ପାଟଣାଗଡ: ରାଜ୍ୟ ସରକାର ସବୁ ଗାଁକୁ ଗମନାଗମନ ସୁବିଧା ଲାଗି ରାସ୍ତା ନିର୍ମାଣ କରୁଛନ୍ତି । ମାତ୍ର ଠିକାଦାରଙ୍କ ମନମୁଖୀ କାର୍ଯ୍ୟ ଓ ପ୍ରଶାସନିକ ଅପାରଗତାରୁ ରାସ୍ତା ଥାଇ ମଧ୍ୟ ବଲାଙ୍ଗିର ଜିଲ୍ଲା ପାଟଣାଗଡ ବ୍ଲକ ଲରମଭା ପଞ୍ଚାୟତ ଖୁରସେଲ ଅଞ୍ଚଳର ୧୫ ଖଣ୍ଡ ଗାଁର ଲୋକେ ଯାତାୟାତରେ ସମସ୍ୟା ଭୋଗୁଛନ୍ତି । । ପାଇପ ବିଛାଇବା ପାଇଁ ଠିକାଦାର ଖୁରସେଲ ଗାଁ ଦେଇ ଯାଇଥିବା ରାସ୍ତାପାର୍ଶ୍ୱକୁ ଖୋଳି ରାସ୍ତା ଉପରେ ମାଟି ପକାଇ ରଖିଛନ୍ତି । ପ୍ରାୟ ୩ କି.ମି. ପର୍ଯ୍ୟନ୍ତ ଏପରି ମାଟି ପଡିଛି । ଫଳରେ ଯାତାୟାତରେ ସମସ୍ୟା ହେଉଛି । ସ୍ଥିତି ଏପରି ହୋଇଛି ଯେ, ଚାରିଚକିଆ ଗାଡି ଛାଡନ୍ତୁ ଚାଲିକରି ଯିବା ମଧ୍ୟ ସମ୍ଭବ ହେଉନାହିଁ । ଏ ନେଇ ପାଟଣାଗଡ ଉପଜିଲ୍ଲାପାଳ ଶରତ ଚନ୍ଦ୍ର ପଣ୍ଡାଙ୍କୁ ଯୋଗାଯୋଗ କରାଯିବାରେ ସେ କହିଛନ୍ତି ଆରଡବ୍ଲ୍ୟୁଏସଏସ ଯନ୍ତ୍ରୀଙ୍କ ସହ ଆଲୋଚନା କରି ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବି । ଲୋକେ ଅସୁବିଧାରେ ପଡିଲା ଭଳି କିଛି କାମକୁ ବରଦାସ୍ତ କରାଯିବ ନାହିଁ ବୋଲି ସେ ଜଣାଇଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
