ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜ୍ୟରେ ପ୍ରଚଳିତ ବିଭିନ୍ନ ରାଜସ୍ୱ ଆଇନ ଗୁଡ଼ିକୁ ପରିବର୍ତ୍ତନ କରି କମନ୍ ରେଭିନ୍ୟୁ କୋଡ କରିବାକୁ ଚିନ୍ତା କରୁଛନ୍ତି ସରକାର। ବହୁଳ ରାଜସ୍ୱ ଆଇନ ଯୋଗୁଁ ଏ ସମ୍ପର୍କିତ ମାମଲା କୋର୍ଟ କଚେରିରେ ଫଇସଲା ହେବାରେ ବିଳମ୍ବ ହେଉଛି। ସେହି ଦୃଷ୍ଟିରୁ ୩୫ଟି ରାଜସ୍ୱ ଆଇନକୁ ଗୋଟିଏ ରାଜସ୍ୱ କୋଡ଼୍ରେ ଅନ୍ତର୍ଭୁକ୍ତ କରାଯିବ। ଆଧୁନିକ ଜ୍ଞାନକୌଶଳ ଓ ପ୍ରଯୁକ୍ତି ବିଦ୍ୟା ପ୍ରୟୋଗ କରାଯାଇ ତଦନୁସାରେ ଆଇନରେ ପରିବର୍ତ୍ତନ କରାଯିବ। ଆଗାମୀ ୬ ମାସ ମଧ୍ୟରେ ଏହାର ଚୂଡ଼ାନ୍ତ ରୂପରେଖ ଦିଆଯିବ ବୋଲି ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି ସୂଚନା ଦେଇଛନ୍ତି। ଓଡ଼ିଶା ସର୍ଭେ ସେଟଲମେଣ୍ଟ ଆକ୍ଟ ଓ ମ୍ୟୁଟେସନ୍ ଆକ୍ଟ ଜବରଦଖଲ ଆଇନ୍ ପ୍ରଭୃତି ଆଇନକୁ ସରଳିକରଣ କରାଯାଇ ଏହି କୋଡ଼ରେ ରଖାଯିବ ବୋଲି ମନ୍ତ୍ରୀ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
