ଭୁବନେଶ୍ୱର(ଓଡ଼ିଶା ରିପୋର୍ଟର): ବିଜେଡି ସାଂସଦ ଅଚ୍ୟୁତ ସାମନ୍ତଙ୍କ ରାଜ୍ୟସଭା ନିର୍ବାଚନକୁ ଚାଲେଞ୍ଜ କରି ହାଇକୋର୍ଟରେ ମାମଲା ଦାୟାର ହୋଇଛି। ଆର୍ଟିଆଇ କର୍ମୀ ସୁବାସ ମହାପାତ୍ର ଏହି ମାମଲା ଦାୟାର କରିଛନ୍ତି। ସେ ଅଭିଯୋଗ କରିଛନ୍ତି-“ନାମାଙ୍କନ ବେଳେ ଅଚ୍ୟୁତ ସାମନ୍ତ ମିଥ୍ୟା ସତ୍ୟପାଠ ଦେଇଛନ୍ତି। ଅଚ୍ୟୁତଙ୍କ ନାଁରେ ଅପରାଧୀକ ମାମଲା ରହିଛି। ଏହାଛଡ଼ା ସତ୍ୟପାଠରେ ଆୟ ସଂପର୍କରେ ତଥ୍ୟ ଲୁଚାଇଛନ୍ତି। ଅଚ୍ୟୁତ ୨ଟି ଭୋଟର କାର୍ଡ ଓ ୨ଟି ପ୍ୟାନ୍ କାର୍ଡ ରଖିଛନ୍ତି। ତେଣୁ ତାଙ୍କର ନିର୍ବାଚନ ଅସିଦ୍ଧ ଘୋଷଣା କରାଯାଉ।”
ଏହି ମାମଲାରେ ଭାରତୀୟ ନିର୍ବାଚନ କମିଶନ, ରାଜ୍ୟ ନିର୍ବାଚନ ଅଧିକାରୀ ଓ ରାଜ୍ୟସଭା ନିର୍ବାଚନ ରିଟର୍ଣ୍ଣିଂ ଅଫିସରଙ୍କୁ ପକ୍ଷଭୁକ୍ତ କରାଯାଇଛି ଆବେଦନକାରୀ ସୁବାସ ମହାପାତ୍ର। ଗତ ରାଜ୍ୟସଭା ନିର୍ବାଚନରେ ସୁବାସ ମହାପାତ୍ରଙ୍କ ପ୍ରାର୍ଥିପତ୍ର ନାକଚ ହୋଇଥିଲା। ତେବେ ପୂର୍ବରୁ ସୁବାସ ମହାପାତ୍ରଙ୍କ ଅଭିଯୋଗକୁ ଖଣ୍ଡନ କରିଥିଲେ ସାଂସଦ ଅଚ୍ୟୁତ ସାମନ୍ତ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।