ଜେଲ୍‌ରେ ଦୁଷ୍କର୍ମ ଅଭିଯୁକ୍ତର ଆତ୍ମହତ୍ୟା ଉଦ୍ୟମ

ସାଲେପୁର(ମନୋଜ କୁମାର ଆଚାର୍ଯ୍ୟ): ସାଲେପୁରରେ ୬ବର୍ଷର ନାବାଳିକାକୁ ଦୁଷ୍କର୍ମ ଓ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଏମ୍. ଡି. ମୁସ୍ତାଫା ଜେଲରେ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ଗତକାଲି ସେ ପାଇଖାନା ଭିତରେ ବେକରେ ଗାମୁଛା ଲଗାଇ ଆତ୍ମହତ୍ୟା ଉଦ୍ୟମ କରିଥିବା ଜଣାପଡ଼ିଛି। ଏହି ଘଟଣା ପରେ ସଙ୍ଗେ ସଙ୍ଗେ ସାଲେପୁର ଥାନା ପୋଲିସ ଜେଲ୍‌କୁ ଯାଇ ତଦନ୍ତ କରିଛି।  ଏହାସହିତ ଅଭିଯୁକ୍ତ ବିରୋଧରେ ପୁଣି ଏକ ମାମଲା ଦାଏର କରିଥିବା ଜଣାପଡ଼ିଛି।

ଏ ସଂପର୍କରେ ଜେଲ୍‌ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ।

ସୂଚନାଯୋଗ୍ୟ, ଗତ ୨୧ ତାରିଖ ସନ୍ଧ୍ୟାରେ ଚକୋଲେଟ୍ ଲୋଭ ଦେଖାଇ ଅଭିଯୁକ୍ତ ପୀଡ଼ିତାଙ୍କୁ ସ୍କୁଲ ବାରଣ୍ଡାରେ ଦୁଷ୍କର୍ମ କରିଥିଲା। ସଙ୍କଟାପନ୍ନ ଅବସ୍ଥାରେ ନାବାଳିକାଙ୍କୁ ଉଦ୍ଧାର କରାଯାଇଥିଲା। ତାଙ୍କ ଅବସ୍ଥା ଗୁରୁତର ଥିବାରୁ ତାକୁ ପ୍ରଥମେ ସାଲେପୁର ଓ ପରେ କଟକ ବଡ଼  ମେଡିକାଲରେ ଭର୍ତ୍ତି କରାଯାଇଥିଲା। ତେବେ ଏପ୍ରିଲ ୨୯ ତାରିଖରେ ଚିକିତ୍ସାଧୀନ ଅବସ୍ଥାରେ ଏସ୍‌ସିବିରେ  ତାଙ୍କର ମୃତ୍ୟୁ ଘଟିଥିଲା। ଏପ୍ରିଲ୍‌ ୨୨ ତାରିଖରେ ଏହି ଘଟଣାର ମୁଖ୍ୟ ଅଭିଯୁକ୍ତ ଏମ୍. ଡି. ମୁସ୍ତାଫାଙ୍କୁ ପୋଲିସ ଗିରଫ କରିଥିଲା। ତାଙ୍କ ବିରୋଧରେ ପୋଲିସ ୩୭୬, I(M), ୩୦୭, ପୋକ୍ସୋ ଦଫା ଲଗାଇଛି।

Previous ArticleNext Article

Send this to a friend