ପ୍ରଶାନ୍ତଙ୍କୁ ପୁଣି ଝଟକା: କାଲି ଆସିଥିଲେ ଆଜି ବନ୍ଧା ହେଲେ

prasanta-image

ଭୁବନେଶ୍ୱର(ଓଡ଼ିଶା ରିପୋର୍ଟର): ଗତକାଲି ମୁକୁଳି ଥିଲେ। ହେଲେ ଆଜି ପୁଣି ପୋଲିସ ବାନ୍ଧିନେଲା। ବହୁଚର୍ଚ୍ଚିତ ସି-ସୋର ଚିଟଫଣ୍ଡ ମାମଲାରେ ପୁଣି ଗିରଫ ହୋଇଛନ୍ତି ସି-ସୋର ମୁଖ୍ୟ ପ୍ରଶାନ୍ତ ଦାସ। ଏକ ୱାରେଣ୍ଟ ବଳରେ ଢେଙ୍କାନାଳ ପୋଲିସ ତାଙ୍କୁ ଆଜି ଗିରଫ କରିଛି। ପ୍ରଶାନ୍ତଙ୍କୁ ଝାରପଡ଼ା ବାସଭବନରୁ ଗିରଫ କରିଛି ପୋଲିସ।

ଗତକାଲି ଝାରପଡ଼ା ଜେଲରୁ ଚିଟଫଣ୍ଡ ଅଭିଯୁକ୍ତ ପ୍ରଶାନ୍ତ ମୁକୁଳିଥିଲେ। ତାଙ୍କ ବିରୋଧରେ ଥିବା ୮ଟି ମାମଲାରେ ହାଇକୋର୍ଟ ଓ ତଳକୋର୍ଟରୁ ବେଲ୍ ମିଳିବା ପରେ ସେ ମୁକୁଳି ଥିଲେ।

ସୂଚନାଯୋଗ୍ୟ, ସି-ସୋର କମ୍ପାନୀ ମାଧ୍ୟମରେ ପ୍ରାୟ ୫୦୦ କୋଟିର ମହା ଠକେଇରେ ହଜାର ହଜାର ଜମାକାରୀଙ୍କ ବିଶ୍ୱାସରେ ବିଷ ଦେଇଥିଲେ ପ୍ରଶାନ୍ତ। ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ ସି-ସୋର୍ ସମେତ ଓଡ଼ିଶାର ୪୪ଟି ଚିଟ୍‌ଫଣ୍ଡ କମ୍ପାନୀର ତଦନ୍ତ ଦାୟିତ୍ୱ ସିବିଆଇ ହାତକୁ ଯାଇଥିଲା।ସିବିଆଇ ସି-ସୋର୍ ବିରୋଧରେ ଦାୟର କରିଥିବା ଚାର୍ଜସିଟ୍‌ରେ ୪୮୭ କୋଟି ଟଙ୍କାର ଠକେଇ କଥା ଉଲ୍ଲେଖ କରିଥିଲା। ସେହିପରି ପ୍ରବର୍ତ୍ତନ ନିର୍ଦ୍ଦେଶାଳୟ ପ୍ରିଭେନସନ୍ ଅଫ୍ ମନିଂ ଲଣ୍ଡରିଂ ଆକ୍ଟ ବଳରେ ସି-ସୋର୍ କଂପାନୀର ୨୪୨ କୋଟି ଟଙ୍କାର ସଂପତ୍ତି ଆଟାଚ୍ କରିଥିଲା। ଇଡିର ଚାର୍ଜସିଟ୍ ଅନୁଯାୟୀ, ପ୍ରଶାନ୍ତ ଦାଶ ୨୧ଟି ସେଲ୍ କଂପାନୀ ଓ ୧୩ଟି କୋପରେଟିଭ୍ ସୋସାଇଟି ମାଧ୍ୟମରେ ଜମାକାରୀଙ୍କଠାରୁ କୋଟି କୋଟି ଟଙ୍କା ସଂଗ୍ରହ କରି ଠକିଥିଲେ।

୨୦୧୩ ଜୁନ୍ ୨୦ରେ ପ୍ରଶାନ୍ତଙ୍କୁ  ଗିରଫ କରାଯାଇଥିଲା।

 

Previous ArticleNext Article

Send this to a friend