“ସ୍ୱାସ୍ଥ୍ୟମନ୍ତ୍ରୀ ଅତିଥି ହେଲେ ଆତ୍ମହତ୍ୟା କରିବି”

student

କଟକ( ଓଡ଼ିଶା ରିପୋର୍ଟର): କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ୍ ଅସୁରେଶ୍ୱର ସୁଭଦ୍ରା ମହତାବ କଲେଜରେ ଅଭାବନୀୟ ସ୍ଥିତି ଦେଖିବାକୁ ମିଳିଛି। ଛାତ୍ର ସଂସଦର ବାର୍ଷିକ ଉତ୍ସବରେ ସ୍ୱାସ୍ଥ୍ୟ ଓ ଆଇନ ମନ୍ତ୍ରୀ ପ୍ରତାପ ଜେନା ଅତିଥି ହେବାକୁ ନେଇ ବିବାଦ ଦେଖାଦେଇଛି। ମନ୍ତ୍ରୀ ପ୍ରତାପ ଜେନା ଏହି ଉତ୍ସବରେ ଯୋଗଦେଲେ ଆତ୍ମହତ୍ୟା କରିବି ଓ ଏଥିପାଇଁ କଲେଜ କର୍ତ୍ତୃପକ୍ଷ ଦାୟୀ ରହିବେ ବୋଲି ଛାତ୍ର ନେତା ଅଚ୍ୟୁତାନନ୍ଦ ଲେଙ୍କା ଧମକ ଦେଇଛନ୍ତି। ଏନେଇ କଲେଜ ଅଧ୍ୟକ୍ଷ, କଟକ ଜିଲ୍ଲାପାଳ, ପୋଲିସ ଡିଜି ଓ ଉଚ୍ଚଶିକ୍ଷା ମନ୍ତ୍ରୀଙ୍କୁ ଲିଖିତ ଭାବେ ଜଣାଇଥିବା ସେ କହିଛନ୍ତି। ସ୍ଥାନୀୟ ବିଧାୟକ ତଥା ମନ୍ତ୍ରୀଙ୍କୁ ଅତିଥି କରିବାକୁ ବାଧ୍ୟ କରାଯାଉଛି ଏବଂ ସ୍ଥାନୀୟ ବିଜେଡି କର୍ମୀ ଅନାଧିକାର ପ୍ରବେଶ କରି ଚାପ ପକାଉଛନ୍ତି ବୋଲି ସେ ଅଭିଯୋଗ କରିଛନ୍ତି।

collegeସାଧାରଣ ସମ୍ପାଦିକା ବିଜୟଲକ୍ଷ୍ମୀ ନାୟକ ମଧ୍ୟ ଛାତ୍ର ନେତା ଅଚ୍ୟୁତାନନ୍ଦ ଦାବିକୁ ସମର୍ଥନ କରିଛନ୍ତି।  ଛାତ୍ର ସଂସଦ ବୈଠକରେ ମନ୍ତ୍ରୀଙ୍କୁ ନିମନ୍ତ୍ରଣ ପାଇଁ ରିଜୋଲୁସନ୍‌ରେ ଦସ୍ତଖତ କରିବାକୁ ତାଙ୍କୁ ବାଧ୍ୟ କରାଯାଇଥିଲା ବୋଲି ବିଜୟଲକ୍ଷ୍ମୀ କହିଛନ୍ତି। ଏନେଇ ସେ ସୋସିଆଲ ମିଡିଆରେ ଏକ ଭିଡିଓ ଛାଡ଼ିଛନ୍ତି।

 

Previous ArticleNext Article

Send this to a friend