୫ ପୁଅଙ୍କ ଭିତରେ ଭାଗ ଛିଣ୍ଡିଲେନି ବାପା ମାଆ, ଶେଷରେ ଭାତ ମୁଠାଏ ଲାଗି ହାରିଲେ ଜୀବନ

<p>ଭଞ୍ଜନଗର(ଓଡିଶା ରିପୋର୍ଟର): କଥାରେ ଅଛି ପିତୃମାତୃ ଋଣ ଶୁଝି ହୁଏନି। ହେଲେ ସେମାନେ ଶୁଝିବାକୁ ଚେଷ୍ଟା କରୁଥିଲେ। ପିଲାବେଳେ ଯୋଉ ବାପା, ମା&rsquo; ପେଟରେ ଓଦାକନା ପକାଇ ସେମାନଙ୍କୁ ମଣିଷ କରିଥିଲେ, ସେମାନଙ୍କୁ ପେଟରେ ଓଦାକନା ଦେଇ ଶୋଇପଡିବାକୁ ବ୍ୟବସ୍ଥା କରିଦେଲେ। ଆମ ଭାଷାରେ ଏମିତି କରି ହୁଏତ ସମାନେ ଋଣ ଶୁଝୁଥିଲେ। ହେଲେ ବୁଢା ବୟସରେ କେତେଦିନ ଏମତି ହୋଇଥାନ୍ତା ଯେ । ବୁଢା ବୁଢି ୨ଟା ସହି ପାରିଲେନି, ଆଉ ଶେଷରେ ସବୁ ସାରିଦେଲେ। ପିଲାମାନେ ପାଳିକରି ବଡ କଷ୍ଟରେ ଖୁଆଉଥିଲେ। ସେମାନଙ୍କୁ ଏହି କଷ୍ଟରୁ ମୁକ୍ତି ଦେବାକୁ ବାପା-ମା ଦୁହେଁ ଚରମ ନିଷ୍ପତ୍ତି ନେଲେ ଦୂରେଇ ଯିବେ ବୋଲି। ଆଉ ଜୀବନ ହାରି ବହୁ ଦୂରକୁ ଚାଲିଗଲେ।</p><p>ଗଞ୍ଜାମ ଜିଲା ଭଞ୍ଜନଗର ଥାନା ଗଣ୍ଡିଶୁଳା ଗାଁରେ ଘଟିଛି ଏହି ଅଭାବନୀୟ ଘଟଣା। ଗାଁର ଲକ୍ଷ୍ମଣ ଦଳେଇ ଆଉ ତାଙ୍କ ସ୍ତ୍ରୀ ହେମ ବେକରେ ଦଉଡି ଦେଇ ଆତ୍ମହତ୍ୟା କରିଛନ୍ତି। କାରଣ କ&rsquo;ଣ ଜାଣନ୍ତି। ମୁଠେ ଭାତ। ଆଜ୍ଞା ହଁ, ପିଲାମାନେ ଖାଇବା ମୁଠେ ଦେବାକୁ ଏମିତି ହଟହଟା କଲେ ଯେ, ଶେଷର ବୁଢା ବୁଢି ଦୁହେଁ ଜୀବନ ହାରିବାକୁ ଶ୍ରେୟସ୍କର ମନେକଲେ।</p><p>ମୃତ ଦମ୍ପତିଙ୍କ ୫ ପୁଅ। ସେମାନଙ୍କ ମଧ୍ୟରୁ ୪ ଜଣ ଗାଁରେ ରୁହନ୍ତି। ସମସ୍ତେ ପାରିବାର। ବୟସର ଶେଷାର୍ଦ୍ଧରେ ପହଞ୍ଚିଥିବା ଏହି ଦମ୍ପତିଙ୍କୁ କିନ୍ତୁ ଖାଇବାକୁ ମୁଠେ ଦେବା ଏହି ୪ ଭେଣ୍ଡିଆ ପୁଅଙ୍କ ପାଇଁ ବଡ ଅଡୁଆ ହୋଇଥିଲା। ଶେଷରେ ନିଷ୍ପତ୍ତି ହୋଇଥିଲା, ୪ ଭାଇ ପାଳି କରି ଦୁହିଁଙ୍କୁ ଖାଇବାକୁ ଦେବେ। ହେଲେ ଏଥିରେ ବି ସର୍ତ୍ତ ଥିଲା। ବାପା ମା&rsquo;ଙ୍କୁ ଏକାଠି ନୁହେଁ, ଜଣେ ବାପାଙ୍କୁ ଖାଇବାକୁ ଦେଲେ ଆରପୁଅ ମା&rsquo;ଙ୍କୁ ଦେବ ବୋଲି ନିଷ୍ପତ୍ତି ହେଲା। ଶେଷ ବୟସରେ ବୁଢାବୁଢୀ ଦୁହେଁ ଏକରକମ ଅଲଗା ହୋଇପଡିଥିଲେ। ତଥାପି ବଞ୍ଚିବା ଆଶାରେ ଲକ୍ଷ୍ମଣ ଓ ତାଙ୍କ ପତ୍ନୀ ପ୍ରତି ମାସରେ ପାଳି କରି ୪ ପୁଅଙ୍କ ଘରେ ଖାଉଥିଲେ ଏବଂ ଅଲଗା ରହୁଥିଲେ।&nbsp; ମଙ୍ଗଳବାର ରାତିରେ ଖାଇବା କଥାକୁ ନେଇ ଲକ୍ଷ୍ଣଣଙ୍କ ବଡ଼ ପୁଅ ସହ ପାଟିତୁଣ୍ଡ ହୋଇଥିଲା। ଏହାପରେ ଭାଙ୍ଗପଡିଥିଲେ ବୃଦ୍ଧ । ଆଉ ନିଜ ପତ୍ନୀଙ୍କୁ ଏ ବାବଦରେ ଜଣାଇବା ପରେ ଦୁହେଁ ଆତ୍ମହତ୍ୟା କରିବାକୁ ନିଷ୍ପତ୍ତି ନେଇଥିଲେ।</p><p>ଆତ୍ମହତ୍ୟା ନେଇ କିଛି ଜାଣି ନଥିବା ମୃତ ଲକ୍ଷ୍ମଣଙ୍କ ପୁଅ କହିଛନ୍ତି।&nbsp; ପୋଲିସ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିବା ସହ ଘଟଣାର ତଦନ୍ତ ଜାରି ରଖିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।