କାମ ଦେଲାନି ସୁରକ୍ଷା କବଚ: ମାଓ ବିସ୍ଫୋରଣରେ ୯ ଯବାନ ସହିଦ୍, କେମିତି ଥିଲା ଘଟଣାକ୍ରମ

<p>ଭୁବନେଶ୍ୱର,(ଓଡ଼ିଶା ରିପୋର୍ଟର): କାମ ଦେଲାନି କବଚ। ଲାଲବାହିନୀର ଭୟଙ୍କର ଆଇଇଡି ବିସ୍ଫୋରଣରେ ଧୁଳିସାତ୍ ହେଇଗଲା ସିଆରପିଏଫର ଏକ MINE PROTECTED VEHICHLE। ଛତିଶଗଡ଼ ସୁକମାର ସୁରକ୍ଷାକର୍ମୀଙ୍କ ଉପରେ ମାଓବାଦୀଙ୍କ ଏଇ ହମଲାରେ ୯ ଜଣ ଯବାନ ସହିଦ ହେବା ସହ ୫ ଜଣ ଆହତ ହୋଇଛନ୍ତି। ସହିଦ ଯବାନଙ୍କ ମଧ୍ୟରେ ଜଣେ ଓଡ଼ଆ ଅଛନ୍ତି । ତାଙ୍କ ନାଁ ମନୋରଞ୍ଜନ ଲେଙ୍କା&nbsp; । ସହିଦ ମନୋରଞ୍ଜନଙ୍କ ଘର ପୁରୀ ଜିଲ୍ଲା ବ୍ରହ୍ମଗିରି ରେବଣା ନୂଆ ଗାଁରେ । &nbsp;ଏହି ଖବର ପ୍ରଚାରିତ ହେବା ପରେ ସହିଦ ମନୋରଞ୍ଜନଙ୍କ ଗାଁରେ ଶୋକର ଛାୟା ଖେଳିଯାଇଛି। &nbsp;ମିଳିଥିବା ସୂଚନା ଅନୁସାରେ ସହିଦ ମନୋରଞ୍ଜନ ବାପାଙ୍କ ଶ୍ରାଦ୍ଧ କାର୍ଯ୍ୟରେ ଯୋଗ ଦେବାକୁ ଗାଁକୁ ଛୁଟିରେ ଆସି ଗତ ରବିବାର ଛତିଶଗଡ଼ ଫେରିଯାଇଥିଲେ । ଏହାପରେ ଗତକାଲି ଡ୍ୟୁଟିରେ ଜଏନ୍ କରିଥିବା ବେଳେ ମାଟି ମା ପାଇଁ ଆଜି ସହିଦ୍ ହୋଇଥିଲେ ମନୋରଞ୍ଜନ।</p><p>ମିଳିଥିବା ସୂଚନା ଅନୁସାରେ ସୁକମା ଜିଲ୍ଲା କିସ୍ତାରାମ ଜଙ୍ଗଲରେ ବଡ଼ ଧରଣର ମାଓ ଗତିବିଧିର ଖବର ପାଇ ଏଇ ଅଞ୍ଚଳରେ ଅପରେସନ୍&zwnj;ରେ ଥିଲେ ସିଆରପିଏଫ୍ । &nbsp;ଆଜି ସକାଳେ ସିଆରପିଏଫରେ ଗୋଟିଏ ଟିମ୍ ସହ ନକ୍ସଲଙ୍କ ମୁହାଁମୁହିଁ ହୋଇଥିଲା । ହେଲେ ସେମାନଙ୍କୁ ଭଗେଇବାରେ ସଫଳ ହୋଇଥିଲେ ସିଆରପିଏଫ୍ ଟିମ୍। &nbsp;କିନ୍ତୁ ଏହାପରେ ଦିନ ପ୍ରାୟ ୧୨ଟା ବେଳକୁ ପୁଣି ଶକ୍ତି ସଂଚୟ କରି ସିଆରପିଏଫରେ ଗୋଟିଏ ଟିମ୍ ଉପରେ ହମ୍&zwnj;ଲା କରିଦେଲେ ।</p><p>ଶହେରୁ ଅଧିକ ମାଓବାଦୀ ଆଇଇଡି ବ୍ଲାଷ୍ଟ କରି ଉଡ଼ାଇଦେଲେ । ଯବାନ ମାନଙ୍କୁ ନେଇ ଯାଉଥିବା ଏହି ମାଇନ୍ ପ୍ରୋଟେକ୍ଟେଡ ଭେଇକିଲ୍ ଖିନଭିନ୍&zwnj; ହୋଇ ଉଡ଼ିଯାଇଥିଲା। ପରେ ଯବାନମାନଙ୍କୁ&nbsp; ରାୟପୁର ହସ୍ପିଟାଲକୁ &nbsp;ନିଆଯାଇଛି। ମାଓ ଅପରେସନ୍&zwnj;ରେ ଯବାନଙ୍କ ପାଇଁ ସୁରକ୍ଷାକବଚ କୁହାଯାଉଥିବା ମାଇନ୍ ପ୍ରୋଟେକ୍ଟେଡ ଭେଇକିଲ୍ ବା ଏମ୍ପିଭି ଯେ, ଆଉ ସୁରକ୍ଷିତ ନୁହେଁ, ଇଏ ତା&rsquo;ର ପ୍ରଥମ ପ୍ରମାଣ ନୁହେଁ । ୨୦୦୮ ଜୁଲାଇ ୧୬ରେ ମାଲକାନଗିରି କାଲିମେଳା ଥାନା ଅଞ୍ଚଳରେ ବି ଲାଲବାହିନୀ ଏମିତି ଏକ ଆଣ୍ଟି ଲ୍ୟାଣ୍ଡମାଇନ୍ ଗାଡ଼ିକୁ ବିସ୍ଫୋରଣରେ ଉଡ଼ାଇ ଦେଇଥିଲେ। ଯେଉଁଥିରେ ସହିଦ ହୋଇଥିଲେ ଓଡ଼ିଶା ପୋଲିସ୍&zwnj;ର ୧୭ ଜଣ ଯବାନ । ତେଣୁ ଏଭଳି ସ୍ଥିତିରେ ମାଓ ଅପରେସନ୍&zwnj;ରେ ବ୍ୟବହାର କରାଯାଉଥିବା ଏମ୍ପିଭିର ପ୍ରତିରୋଧୀ କ୍ଷମତା ଓ ଏହାର ବିକଳ୍ପକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।