୩୦ଟି ଆଦର୍ଶ ସ୍କୁଲ ନିର୍ମାଣ କରିବ ଟାଟା

school

ଭୁବନେଶ୍ୱର: ରାଜ୍ୟରେ ୩୦ଟି ଆଦର୍ଶ  ବିଦ୍ୟାଳୟ ନିର୍ମାଣ କରିବ ଟାଟା କମ୍ପାନୀ। ଏ ନେଇ ଆଜି ସ୍କୁଲ ଓ ଗଣଶିକ୍ଷା ବିଭାଗ ଏବଂ ଟାଟା କମ୍ପାନୀ ମଧ୍ୟରେ ଏମ୍‌ଓୟୁ ସ୍ୱାକ୍ଷର ହୋଇଛି। ୪ କୋଟି ଟଙ୍କା ବ୍ୟୟରେ ପ୍ରତି ସ୍କୁଲ ନିର୍ମାଣ ହେବାକୁ ଥିବାବେଳେ ଆନୁସଙ୍ଗିକ ଆସବାବପତ୍ର ବାବଦରେ ୩୩ ଲକ୍ଷ ଟଙ୍କା ଲେଖାଏଁ ଦେବ ଟାଟା।

ଶିକ୍ଷା କ୍ଷେତ୍ରରେ ଉନ୍ନତି ଆଣିବା ପାଇଁ ରାଜ୍ୟ ସରକାର ଅନଗ୍ରସର ବ୍ଲକ ଗୁଡ଼ିକରେ ୧୬୨ଟି ଓଡ଼ିଶା ଆଦର୍ଶ ବିଦ୍ୟାଳୟ ସ୍ଥାପନ କରିବେ। ସେଥିମଧ୍ୟରୁ ୫୫ଟି ବିଦ୍ୟାଳୟ ବିଭିନ୍ନ କର୍ପୋରେଟ୍‌ ସଂସ୍ଥା ନିର୍ମାଣ କରିବେ।

ଆଜି ଏମ୍‌ଓୟୁ ସ୍ୱାକ୍ଷର ସମୟରେ ଗଣଶିକ୍ଷା ମନ୍ତ୍ରୀ ଦେବୀ ପ୍ରସାଦ ମିଶ୍ର ଓ ବିଭାଗୀୟ ସଚିବ ରଞ୍ଜନା ଚୋପ୍ରା ଉପସ୍ଥିତ ଥିଲେ।

Previous ArticleNext Article

Send this to a friend