୧୮ ମାସ ପରେ ଖୋଲିଲା ମା’ ମଙ୍ଗଳା ମନ୍ଦିରର ହୁଣ୍ଡି, ବାହାରିଲା ୧୨ ହଜାର ଟଙ୍କାର ଅଚଳ ନୋଟ୍‌

କାକଟପୁର (ଓଡ଼ିଶା ରିପୋର୍ଟର): ଦୀର୍ଘ ୧୮ ମାସ ପରେ ଖୋଲିଛି କାକଟପୁର ମା’ ମଙ୍ଗଳା ମନ୍ଦିରର ହୁଣ୍ଡି। ମନ୍ଦିର ଟ୍ରଷ୍ଟ ମଧ୍ୟରେ ସମନ୍ୱୟର ଅଭାବ ଯୋଗୁ ଦୀର୍ଘଦିନ ହେଲା ବନ୍ଦ ହୋଇପଡିଥିଲା ହୁଣ୍ଡି। ଦେବୋତ୍ତର କମିଶନଙ୍କ ନିର୍ଦ୍ଦେଶ କ୍ରମେ ଗତକାଲି ହୁଣ୍ଡି ଖୋଲାଯାଇ ଟଙ୍କା ଗଣତି କରାଯାଇଛି। ଗୋଟିଏ ହୁଣ୍ଡିରୁ ୧୧ ଲକ୍ଷ ୭୦ ହଜାର ଟଙ୍କା ଦାନ ଅର୍ଥ ମିଳିଛି।

ଏହି ଦାନ ଅର୍ଥ ମଧ୍ୟରୁ ୧୨ହଜାର ଟଙ୍କାର ଅଚଳ ନୋଟ୍‌ ମଧ୍ୟ ମିଳିଛି। ଅନ୍ୟ ଏକ ହୁଣ୍ଡିକୁ ଆସନ୍ତା ୧୧ ତାରିଖରେ ଖୋଲାଯିବ ବୋଲି ତହସିଲଦାର ସୂଚନା ଦେଇଛନ୍ତି।

Previous ArticleNext Article

Leave a Reply

Send this to a friend