ବିଷ ପିଇଲା ପୂରା ପରିବାର

ଯାଜପୁର(ଗୁଲାମ ଗସ୍‌):ଯାଜପୁର ଜଲ୍ଲା ବିଂଝାରପୁର ଥାନା ଅନ୍ତର୍ଗତ ଗୁହାଳି ପଞ୍ଚାୟତର ପଦାସାହିରେ ଏକ ଅଭାବନୀୟ ଘଟଣା ଘଟିଛି। ଗୋଟିଏ ପରିବାରର ମାଆ ଓ ୨ ଝିଅ ଆତ୍ମହତ୍ୟା ଉଦ୍ୟମ କରିଛନ୍ତି। ସେମାନଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି। ସେମାନଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଥିବା ଡାକ୍ତର କହିଛନ୍ତି।

ସୂଚନା ଅନୁସାରେ, ଗତ ୩ ଦିନ ତଳେ କେତକୀଙ୍କ ଏକମାତ୍ର ରୋଜଗାରିଆ ପୁଅର ମୃତ୍ୟୁ ଘଟିଥିଲା। ତାଙ୍କ ନାଁ ମଣ୍ଟୁ ଜେନା। ମଣ୍ଟୁ କେରଳରେ ଏକ ପ୍ଲାଇଉଡ‌୍‍ କମ୍ପାନୀରେ କାମ କରୁଥିଲେ। ପୁଅର ମୃତ୍ୟୁ ଖବର ଶୁଣିବା ପରେ କେତକୀ ଓ ତାଙ୍କ ଦୁଇ ଝିଅ ପୂରା ଭାଙ୍ଗିପଡ଼ିଥିଲେ। ଏହାପରେ କେତକୀ ଓ ତାଙ୍କର ଦୁଇ ଝିଅ ମମତା ଏବଂ ଗୁରୁବାରୀ ଦୁଇ ଦୁଇ ଥର ଆତ୍ମହତ୍ୟା ଉଦ୍ୟମ କରିଥିଲେ। ପ୍ରଥମେ ଗାଁର ପୋଖରୀକୁ ଡେଇଁ ଆତ୍ମହତ୍ୟା ଉଦ୍ୟମ କରି ବିଫଳ ହେବା ପରେ ଆଜି ସେମାନେ ବିଷ ପିଇ ଆତ୍ମହତ୍ୟା ଉଦ୍ୟମ କରିଛନ୍ତି।

ମଣ୍ଟୁଙ୍କ ମୃତ୍ୟୁ ଖବର ପାଇ ତାଙ୍କ ମାମୁଁ ଓ ସଂପର୍କୀୟମାନେ ଶବ ଆଣିବାକୁ ଯାଇଛନ୍ତି।

Previous ArticleNext Article

Send this to a friend