ପୁଞ୍ଜିଲାଲ ବାଣ୍ଟୁଥିଲେ ପ୍ରେରଣାର ମନ୍ତ୍ର, ଦେଖନ୍ତୁ ଭିଡିଓ

ବଲାଙ୍ଗିର: କଲେଜରେ ସେ ଥିଲେ ଆଦର୍ଶ ଗୁରୁ। ଉପରେ ଉପରେ ସେ ବେଶ ସାଧାସିଧା ଓ ରୋକ୍‌ଠୋକ୍‌ ଥିଲେ । କୌଣସି ମହାନ ପୁରୁଷଠାରୁ କମ୍‌ ଥିଲା ତାଙ୍କ ଆଚରଣ।  ନିଜର ଓଜସ୍ୱିନୀ  ଓ ପ୍ରେରଣାଦାୟୀ ଭାଷଣ ପାଇଁ ସେ ଛାତ୍ରଛାତ୍ରୀଙ୍କ ଆଦର୍ଶ ପାଲଟି ଯାଇଥିଲେ। ଉପରେ ଉପରେ ସାଧାସିଧା ଓ ସରଳ ଭଳି ଲାଗୁଥିବା ପୁଞ୍ଜିଲାଲଙ୍କ ଭିତରେ ଲୁଚି ରହିଥିବା ସୈତାନ ରୂପ କାହାକୁ ଜଣା ନ ଥିଲା।  ଆଗକୁ ବଢ, ଭଲ ମଣିଷ ହୁଅ ଏମିତି ଅନେକ ସଫଳତାର ମନ୍ତ୍ର ବାଣ୍ଟୁଥିବା ପୁଞ୍ଜିଲାଲଙ୍କ ପ୍ରକୃତ କାରନାମା ଯେ, କିଛି ଅଲଗା ଥିଲା ତା’ର ଗୁମର ଏବେ ଧୀରେଧୀରେ ଖୋଲିବାରେ ଲାଗିଛି। ପାର୍ସଲ ବୋମା ଘଟଣାକୁ ନେଇ ସାରା ରାଜ୍ୟରେ ଏବେ ଚର୍ଚ୍ଚା ଜୋର ଧରିଥିଲା ବେଳେ ଦିନକୁ ଦିନ ଏମିତି ରୋଚକ ଏବଂ ଚାଞ୍ଚଲ୍ୟକର ତଥ୍ୟ ସାମ୍ନାକୁ ଆସୁଛି।   ରିମାଣ୍ଡରେ ଥିବା ପୁଞ୍ଜିଲାଲ ପାଖରୁ ପ୍ରତିଦିନ ବାହାରୁଛି ନୂଆ ନୂଆ ତଥ୍ୟ ।

କିନ୍ତୁ ଏସବୁ ଭିତରେ, ଏବେ ସାମ୍ନାକୁ ଆସିଛି ପୁଞ୍ଜିଲାଲର ଚରିତ୍ର ପଞ୍ଜିକା।   ପେଶାରେ ଅଧ୍ୟାପକ ଥିଲେ ବି ଭାରି ଷ୍ଟାଇଲିଷ୍ଟ ଥିଲେ ପୁଞ୍ଜିଲାଲ ।  ସବୁବେଲେ ବୁଟ ସୁଟରେ ବୁଲେଟ ଧରି ବୁଲୁଥିଲେ ପୁଞ୍ଜିଲାଲ।  ସ୍କୁଲ କଲେଜ ଯାଇ, ଘଣ୍ଟା ଘଣ୍ଟା ଧରି ଇଂରାଜୀରେ ଭାଷଣ ଦେବା ପୁଞ୍ଜିଲାଲଙ୍କ ସଉକ ଥିଲା  ଆଉ ଏସବୁ ଭିତରେ କେବେ ସେ ହିନ୍ଦୀ ଚଳଚ୍ଚିତ୍ର ଦୃଶ୍ୟମ ଦେଖିବା ପାଇଁ  ଭୁଲୁ ନଥିଲେ।

ଭାଷଣରେ  ପିଲାଙ୍କୁ ବୁଝାଇ କହୁଥିଲେ ତୁମ ଭିତରେ ବଡ ହେବାକୁ ଇଚ୍ଛା ରଖ ।  ନିଜକୁ କ୍ରିୟାଶୀଳ କର।  ଏମିତି କିଛି କର ଯାହା ସମାଜ ପାଇଁ କାମରେ ଆସିବ। କିନ୍ତୁ ସ୍କୁଲ କଲେଜ ବୁଲି ବୁଲି ଉପଦେଶ ଦେଉଥିବା ଅଧ୍ୟାପକ ଏବେ ଅଭିଯୁକ୍ତ। ଦୁଇଟି ଦୁଇଟି ପରିବାରକୁ ବର୍ବାଦ କରିଦେଇଛି ପୁଞ୍ଜିଲାଲଙ୍କ କାରନାମା। ତାଙ୍କ ବିରୋଧରେ ରହିଛି ୩୦୨,୩୦୪, ୩୦୭ ପରି ସଂଗୀନ ଧାରା।  ଗିରଫ, ଅଭିଯୁକ୍ତ ଅଧ୍ୟାପକ ପୁଞ୍ଜିଲାଲ ଏବେ ଜେଲର ଚାରିକାନ୍ଥ ଭିତରେ ଅଟକ। ଅବଶ୍ୟ ପୋଲିସ ତାଙ୍କୁ ଜେରା ପାଇଁ ରିମାଣ୍ଡରେ ଆଣିଛି।

Previous ArticleNext Article

Send this to a friend