ଅଖତରଙ୍କୁ ଆଜି ପୁଣି ପଚରାଉଚରା କରିବ ଏନଆଇଏ

akter-husan

କଟକ: କଟକ ଜିଲ୍ଲା ସାଲେପୁର ଅଞ୍ଚଳର ଅଖତର ହୁସେନ ଖାନଙ୍କୁ ‌ଆଜି ପୁଣି ଥରେ ପଚରାଉଚରା କରିବ ଜାତୀୟ ତଦନ୍ତକାରୀ ସଂସ୍ଥା (ଏନଆଇଏ)।  ଗତକାଲି ଦିଲ୍ଲୀ ଏନଆଇଏ କାର୍ଯ୍ୟାଳୟରେ ସେ ହାଜର ହୋଇଥିଲେ।  ତେବେ ଅଫିସର ନ ଆସିବାରୁ ତାଙ୍କୁ କିଛି ପଚରାଉଚରା ହୋଇ ନ ଥିବା ସେ ନିଜ ପ୍ରତିକ୍ରିୟାରେ  କହିଥିଲେ।

ଏନଆଇଏ ଦିଲ୍ଲୀ ମୁଖ୍ୟାଳୟରେ ହାଜର ହେବା ପାଇଁ ତାଙ୍କୁ ପୂର୍ବରୁ ନୋଟିସ  ହୋଇଥିଲା।  ପୂର୍ବରୁ  ସନ୍ଦିଗ୍ଧ କାର୍ଯ୍ୟକଳାପ ପାଇଁ  ଅଖତର ହୁସେନ୍ ଖାନଙ୍କୁ ଏନଆଇଏର ଏକ  ୬ ଜଣିଆ ଟିମ୍ ପଚରାଉଚରା ପରେ ଛାଡ଼ିଦେଇଥିଲା।

ଗତ ୨୯ ତାରିଖରେ ସକାଳେ ଏନ୍‌ଆଇଏର ୬ ଜଣିଆ ଟିମ୍‌ ସାଲେପୁର କିଶନନଗର ନିକଟ ସାମନ୍ତରାୟପୁର ଗାଁରେ ଚଢ଼ାଉ କରି ଅଖତାର ହୁସେନଙ୍କୁ ଦୀର୍ଘ ୪ ଘଣ୍ଟା ଧରି ଜେରା କରିଥିଲା ପରେ ତାଙ୍କୁ ଉଠାଇ ନେଇ କଟକରେ ମଧ୍ୟ ପଚରାଉଚରା କରିଥିଲା।

ନେମାଳ ଅଞ୍ଚଳର ଅଖତର ୧୫ ବର୍ଷ ଧରି ଦୁବାଇ ଓ ସାଉଦି ଆରବରେ କାମ କରିବା ପରେ ଓଡ଼ିଶା ଫେରିଥିଲେ। ୪ ବର୍ଷ ହେବ  ସେ ସାମନ୍ତରାୟପୁରରେ ଭଡା ଘର ନେଇ ରହି ଆସୁଥିଲେ।

 

 

Previous ArticleNext Article

Send this to a friend