କଳାହାଣ୍ଡିରେ ଆଗରୁ ବଳି ପଡ଼ୁଥିଲେ କୁଆଁରୀ କନ୍ୟା, ଏବେ…

toki

ଧର୍ମଗଡ଼,(ଇଙ୍ଗିତ୍‌ ପଣ୍ଡା): କଳାହାଣ୍ଡି ଜିଲ୍ଲାର ଆଦିବାସୀଙ୍କ ପର୍ବ ଟୋକି ମରା ଯାତ୍ରା। ଏହି  ପର୍ବ ଆଦିବାସୀଙ୍କ ବିଶ୍ୱାସର ପର୍ବ ବୋଲି କୁହାଯାଏ । ଏଥିପାଇଁ ଜିଲ୍ଲାର ଆଦିବାସୀ ପୂରପଲ୍ଲି ଉତ୍ସବ ମୁଖର ହୋଇ ଉଠିଛି। ସବୁ ଦୁଃଖସୁଖ ଭୁଲି ଆଦିବାସୀ ମାନେ ମଦପିଇ ଏହି ପର୍ବରେ ମସଗୁଲ ଅଛନ୍ତି। ପରମ୍ପରା ଅନୁଯାୟୀ ପୂର୍ବରୁ କୁଆଁରୀ ଝିଅମାନଙ୍କୁ ସ୍ଥାନୀୟ ଭାସାରେ (ଟୋକେଲ) ବଳି ଦିଆଯାଉଥିବା ବେଳେ ଏବେ ଏଠାରେ ବୋଦା ବଳି ଦିଆଯାଉଛି । ଜିଲ୍ଲାର ଅନେକ ସ୍ଥାନରେ ଏହାକୁ ନେଇ ଖୁବ୍‌ ଆଦିବାସୀଙ୍କ ମଧ୍ୟରେ ଖୁବ୍‌ ଆନନ୍ଦ ଉଲ୍ଲାସ।  ହାତରେ ଠେଙ୍ଗା ,ଖଣ୍ଟା,କଣ୍ଡରୀ ଧରି ଆଦିବାସୀ ମାନେ ନାଚରେ ମସଗୁଲ ରୁହନ୍ତି।  ଆଦିବାସୀମାନେ ମାଟି ମା’କୁ ସନ୍ତୁଷ୍ଟ କରିବା ପାଇଁ କେଉଁ ଆବାହମାନ କାଳରୁ ଏହି ପରମ୍ପରା ରହି ଆସିଛି। ପୂରାତନକାଳରେ ଏଠାରେ କୁଅଁରୀ ଝିଅକୁ   ବଳି ଦିଆଯାଉଥିବାରୁ ଏହାକୁ ଟୋକିମରା ପର୍ବ ବୋଲି କୁହାଯାଏ ।  ତେବେ ପରବର୍ତ୍ତୀ ସମୟରେ ଅର୍ଥାତ ଇଂରେଜ ସମୟରେ  ହିଁ ଟୋକିମରାକୁ ଏଠାରେ ପ୍ରତିବନ୍ଧକ ଲଗାଯାଇଥିଲା।

ପରେ ଗୋଟିଏ ବୋଦାକୁ ଟୋକି ରୂପରେ ପୂଜା କରି ଧରଣୀ ମା’ କୁ ବଳି ଦିଆଗଲା। ଆଦିବାସୀଙ୍କ ମତରେ ଯେଉଁ ଗାଁରେ ପରବ ପାଳିତ ହୁଏ ସେଠାରେ ଆଦିବାସୀଙ୍କ ଧରଣୀ ଦେବି ଗାଁର ପୁଝାରୀ, ଦିଶାରୀ ଏବଂ ଗୌନ୍ତିଆଙ୍କୁ ସ୍ୱାପ୍ନାଦେଶ ଦେଇଥାନ୍ତି । ଏହାପରେ ବର୍ଷ ତମାମ  ଗାଁରେ ପ୍ରସ୍ତୁତି ଚାଲିଥାଏ । ଗାଁ ବାହାର ଗୋଟିଏ ଖଳାରେ ବଳିପ୍ରଥା ହୋଇଥାଏ। ଏହି ବୋଦାର ମାଂସ ଖଣ୍ଡକ ପାଇଁ ଆଦିବାସୀ ମାନଙ୍କ ମଧ୍ୟରେ ପ୍ରତିଯୋଗିତା ଆରମ୍ଭ ହୁଏ । ବିଶ୍ୱାସ ରହିଛି ଯେ, ଏଥିରୁ ଖଣ୍ଡିଏ ମାଂସ ନିଜ ଗାଁର ଦେବୀ ପାଖରେ ଅର୍ପଣ କଲେ ସମସ୍ତ କଷ୍ଟରୁ ମୁକ୍ତି ମିଳିଥାଏ।  ଆଦିବାସୀମାନେ ମଦ ନିଶାରେ ଚୁର ଥିବାରୁ ଏହି ମାଂସ ଆଣିବା ପ୍ରତିଯୋଗିତା ସମୟରେ ଅନେକ ଧନଜୀବନ ଯିବାର ଆଶଙ୍କା ଥାଏ। ଏଥିପାଇଁ ଏଠାରେ ବ୍ୟାପକ ପୁଲିସ ବ୍ୟବସ୍ଥା ମଧ୍ୟ କରାଯାଇଥାଏ ।

କଳାହାଣ୍ଡି ଜିଲ୍ଲାର ଥୁଆମୂଳ ରାମପୁର , କଲମପୁର, ଜୟପାଟଣା, ଜୁନାଗଡ ଏବଂ ଗୋଲାମୁଣ୍ଡା ବ୍ଲକର ବିଭିନ୍ନ ଆଦିବାସୀ ଗ୍ରାମରେ ଗତକାଲି ଧୂମଧାମରେ ପାଳିତ ହୋଇଯାଇଛି ଏହି ପର୍ବ । ଏଥିପାଇଁ ଆଖପାଖର ଆଦିବାସୀ ଗ୍ରାମମାନଙ୍କୁ ନିମନ୍ତ୍ରଣ ମଧ୍ୟ କରାଯାଇ ଥିଲା । ଏହାକୁ ଦେଖିବାକୁ ପ୍ରବଳ ଜନ ସମାଗମ ହୋଇଥିଲା। ଏମାନଙ୍କ ଆଉ ଏକ ପର୍ବ ହେଉଛି ଧାଙ୍ଗରୀ ଝୋଲା। ଟୋକିମରା ପର୍ବ ପରଦିନ ଧାଙ୍ଗରୀ ଝୋଲା ପର୍ବ ପାଳିତ ହୋଇଥାଏ।  ଏହି ପର୍ବରେ ଆଦିବାସୀ ଯୁବକ ମାନେ ଦିନ ସାରା ନିଜର ଶକ୍ତି ପ୍ରଦର୍ଶନ କରିଥାନ୍ତି ।  ଆଉ ନିଜ ପସନ୍ଦର ଝିଅକୁ ନେଇ ପଳାଇଥାନ୍ତି। ସାମାଜିକ ରୀତନୀତି ଅନୁଯାଇ ମଦ  ଓ ମାଂସ ଭୋଜି ଦେଲାପରେ ସେ ସାମାଜିକ ସ୍ୱିକୃତୀ  ମିଳିଥାଏ।

Previous ArticleNext Article

Send this to a friend