ଦ୍ରୁତ ଗତିରେ ଗାଡ଼ି ଚଲାଉଛନ୍ତି କି? ଫସିବେ

ଭୁବନେଶ୍ୱର (ଓଡ଼ିଶା ରିପୋର୍ଟର): ଦ୍ରୁତ ବେଗରେ ଗାଡି ଚଳାଇଲେ ଖାଲି ଜରିମାନା ନୁହେଁ, ରଦ୍ଦ ହେବ ଲାଇସେନ୍ସ। ଯିବାକୁ ପଡିବ ଜେଲ୍। ରାଜ୍ୟର କେଉଁ ରାସ୍ତାରେ ବେଗ କେତେ ରହିବ ମାସକ ମଧ୍ୟରେ ରିପୋର୍ଟ ଦେବେ ଜିଲ୍ଲାପାଳ। ପରିସଂଖ୍ୟନ କହୁଛି ଚଳିତ ବର୍ଷ ଅଗଷ୍ଟ ପର୍ଯ୍ୟନ୍ତ ହିସାବକୁ ନେଲେ ସଡ଼କ ଦୁର୍ଘଟଣାରେ ପ୍ରତିଦିନ ପ୍ରାୟ ୧୩ ଜଣଙ୍କ ଜୀବନ ଯାଉଛି। ତେଣୁ କ୍ରମବର୍ଦ୍ଧିଷ୍ଣୁ ସଡ଼କ ଦୁର୍ଘଟଣାକୁ ରୋକିବା ଲାଗି ନିୟମକୁ କଡ଼ାକଡି ପାଳନ ଲାଗି ନିଷ୍ପତ୍ତି ହୋଇଛି। ଏନେଇ ଜିଲ୍ଲାପାଳ, ଏସ୍‌ପି ଓ ଆରଟିଓମାନଙ୍କୁ ଅବଗତ କରାଯାଇଛିା ହେଲେ ସରକାରୀ ନିଷ୍ପତ୍ତି କେତେ ଦୂର କାର୍ଯ୍ୟକାରୀ ହେଉଛି, ତାହା ପ୍ରଶ୍ନବାଚୀ ସୃଷ୍ଟି କରିଛି।

୨୦୧୬ ମସିହାରେ ରାଜ୍ୟରେ ସଡ଼କ ଦୁର୍ଘଟଣାରେ ୩ ହଜାର ୩ଶହ ଲୋକଙ୍କ ଜୀବନ ଯାଇଥିଲା। ଗତବର୍ଷ ତୁଳନାରେ ଚଳିତବର୍ଷ ୧୧ଟି ଜିଲ୍ଲାରେ ଦୁର୍ଘଟଣା ବଢ଼ିଛି। କେନ୍ଦୁଝର, କୋରାପୁଟ, ବଲାଙ୍ଗିର, କଳାହାଣ୍ଡି, ଯାଜପୁର ଓ ବାଲେଶ୍ୱର ଭଳି ଜିଲ୍ଲାରେ ଦୁର୍ଘଟଣା ଜନିତ ମୃତ୍ୟୁ ଉଦ୍‌ବେଗଜନ ରହିଛି। ୨୦୧୭ ମସିହା ଜାନୁଆରୀରୁ ଅଗଷ୍ଟ ଭିତରେ ରାଜ୍ୟରେ ପ୍ରତିଦିନ ପାଖାପାଖି ୧୩ ଜଣଙ୍କର ଦୁର୍ଘଟଣାରେ ଜୀବନ ଯାଇଥିବା ପରିସଂଖ୍ୟନ କହୁଛି।

କମିଶନରେଟ୍ ପୋଲିସ୍ ଅଧୀନରେ ଆସୁଥିବା କଟକ ଖାନନଗର ଛକରେ ଥିବା ବୋର୍ଡକୁ ଦେଖନ୍ତୁ। ଯେଉଁଥିରେ ଜିରୋ ଟଲେରାନ୍ସ ଜୋନ୍ ଲେଖାଯାଇଛି। ଟ୍ରାଫିକ୍ ନିୟମର ଉଲ୍ଲଂଘନ ହେଲେ ୫୦୦ ଟଙ୍କା ଫାଇନ୍ ଦେବାକୁ ପଡ଼ିବ ବୋଲି ଲେଖାଯାଇଛି। ମାତ୍ର ଏହି ନିୟମକୁ ଫୁ କରି ଉଡାଇ ଦେଇଛନ୍ତି ଲୋକେ। ଅଧିକାଂଶ ବାଇକ୍ ଚାଳକଙ୍କ ମୁଣ୍ଡରେ ହେଲ୍‌ମେଟ୍‌ ନାହିଁ, ଟ୍ରାଫିକ୍ ନିୟମ ଭାଙ୍ଗି ଯିଏ ଜୁଆଡ଼େ ମନଇଚ୍ଛା ଗଲେ ବି କେହି ଧରିବାକୁ ନାହିଁ କି ଫାଇନ୍ ଆଦାୟ ହେବାର ନାହିଁ।

Previous ArticleNext Article

Send this to a friend