ସୌଭାଗ୍ୟ ଯୋଜନାରେ କାର୍ଯ୍ୟ କରୁଥିବା କର୍ମଚାରୀଙ୍କୁ ଦିଆଯିବ ପ୍ରଶିକ୍ଷଣ

ଭୁବନେଶ୍ୱର(ଓଡ଼ିଶା ରିପୋର୍ଟର): କେନ୍ଦ୍ର ସରକାରଙ୍କ ସୌଭାଗ୍ୟ ଯୋଜନାରେ କାର୍ଯ୍ୟ କରୁଥିବା କର୍ମଚାରୀଙ୍କୁ ପ୍ରଶିକ୍ଷଣ ଦିଆଯିବ। ଯୋଜନାରେ ଲାଇନମ୍ୟାନ୍ ଏବଂ ହେଲପରଙ୍କ ଦକ୍ଷତା ବିକାଶ କରାଯିବ। ଏନେଇ କେନ୍ଦ୍ର ଶକ୍ତି ବିଭାଗ ଏବଂ ଦକ୍ଷତା ବିକାଶ ମନ୍ତ୍ରଣାଳୟ ପକ୍ଷରୁ ମିଳିତ ଭାବେ ସାମ୍ବାଦିକ ସମ୍ମିଳନୀର ଆୟୋଜନ ହୋଇଥିଲା। ଯେଉଁଥିରେ ଭିଡିଓ କନଫରେନସିଂ ଜରିଆରେ ଆଲୋଚନା କରିଥିଲେ ଶକ୍ତିମନ୍ତ୍ରୀ ସୁଶାନ୍ତ ସିଂଙ୍କ ସମେତ ସେସୁର ଅଧିକାରୀ।

ସାରା ଦେଶରୁ ୨୬ ହଜାର ୭୬୫ ହେଲ୍‌ପର ଓ ୨୮ ହଜାର ୭୫୮ ଲାଇନ୍‌ମ୍ୟାନଙ୍କୁ ପ୍ରଶିକ୍ଷଣ ଦିଆଯିବ। ଓଡ଼ିଶା ସହିତ ଆସାମ, ବିହାର, ଝାଡ଼ଖଣ୍ଡ, ମଧ୍ୟପ୍ରଦେଶ ଓ ଉତ୍ତରପ୍ରଦେଶର ୨୦୦ଟି ଜିଲ୍ଲାରେ ଏହି ଦକ୍ଷତା ବିକାଶ ପ୍ରଶିକ୍ଷଣ ଶିବିର ଅନୁଷ୍ଠିତ ହେବ। ଦେଶରେ ୪ କୋଟି ୪୦ ଲକ୍ଷ ପରିବାରକୁ ବିଦ୍ୟୁତ୍ ସେବା ଯୋଗାଇବା ପାଇଁ ଲକ୍ଷ୍ୟ ରଖିଛନ୍ତି କେନ୍ଦ୍ର ସରକାର। ଓଡ଼ିଶାରେ ବାକି ଥିବା ପ୍ରାୟ ୩୨ ଲକ୍ଷ ୬୨ ହଜାର ପରିବାରକୁ ଆସନ୍ତା ଡିସେମ୍ବର ସୁଦ୍ଧା ବିଜୁଳି ସଂଯୋଗ କରାଯିବ ବୋଲି କେନ୍ଦ୍ର ସରକାର ଯୋଜନା ରଖିଛନ୍ତି।

 

 

Previous ArticleNext Article

Send this to a friend