ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଅନୁଗୋଳ (ବିରଜା ପ୍ରସାଦ ଦାଶ): ବିଭିନ୍ନ ଦାବି ନେଇ ଆସନ୍ତା ୨୦ତାରିଖରୁ ଦେଶବ୍ୟାପୀ ଟ୍ରକ ଧର୍ମଘଟ ହେବ। ଅଖିଳ ଭାରତୀୟ ମୋଟର ପରିବହନ କଂଗ୍ରେସ ଏହି ଧର୍ମଘଟ ଡାକରା ଦେଇଛି। ୨୦ ତାରିଖ ସକାଳ ୬ଟାରୁ ଏହି ଧର୍ମଘଟ ହେଉଥିବା ନେଇ ଅନୁଗୋଳରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦିଆଯାଇଛି।</p> <p>ଓଡ଼ିଶା ରାଜ୍ୟ ଟ୍ରକ୍ ମାଲିକ ସଂଘ ମଧ୍ୟ ଏହି ଧର୍ମଘଟରେ ସାମିଲ ହେବ ବୋଲି ସୂଚନା ରହିଛି। କେନ୍ଦ୍ର ସରକାର ସେମାନଙ୍କ ଯୁକ୍ତିଯୁକ୍ତ ଦାବି ପ୍ରତି ବୈମାତୃକ ମନୋଭାବ ପୋଷଣ କରି ଅଣଦେଖା କରୁଥିବା ସଂଘ ପକ୍ଷରୁ କୁହାଯାଇଛି।</p> <p>ତେବେ ସଂଘର ପ୍ରମୁଖ ଦାବି ମଧ୍ୟରେ ରହିଛି ତୈଳ ଦର ହ୍ରାସ, ପେଟ୍ରୋଲ ଡିଜେଲକୁ ଜିଏସ୍‌ଟି ପରିସରଭୁକ୍ତ, ଜାତୀୟ ରାଜପଥରୁ ଟୋଲ୍‌ ଗେଟ୍‌ ଉଚ୍ଛେଦ, ଥାର୍ଡ ପାର୍ଟି ଇନ୍‌ସୁରାନ୍ସ ପ୍ରିମିୟମ ନବ଼ଢ଼ାଇବା, ଟି.ଡି.ଏସ ଆଦାୟ ବନ୍ଦ ଓ ବନ୍ଦରମାନଙ୍କରେ ସିଧାସଳଖ ମାଲ ପରିବହନ ବ୍ୟବସ୍ଥାର ସରଳୀକରଣ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।