ଅସାଧୁ ଉପାୟ ହେଲା କାଳ: ଧରିଲା ଭିଜିଲାନ୍ସ, ଜେଲ୍‌ ଗଲେ ଯନ୍ତ୍ରୀ

puri

ପୁରୀ (ଓଡ଼ିଶା ରିପୋର୍ଟର): ଅସାଧୁ ଉପାୟରେ ଅର୍ଥ ସଂଗ୍ରହ କରିବା ଜଣେ ଯନ୍ତ୍ରୀଙ୍କ ପାଇଁ ପାଳ ହୋଇଛି। ଯନ୍ତ୍ରୀ ଜଣଙ୍କ ପୂର୍ତ୍ତ ବିଭାଗର ପୁରୀ ଡିଭିଜନର ଏକ୍‌ଜିକ୍ୟୁଟିଭ ଇଂଜିନିୟର ନୀରଜ ଦାସ। ସେ ଗାଡ଼ିରେ ଟଙ୍କା ଧରି ଆସୁଥିବା ବେଳେ ପିପିଲି ଟୋଲ୍ ଗେଟ୍ ପାଖରେ ଭିଜିଲାନ୍ସ  ଅଧିକାରୀମାନେ ତାଙ୍କ ପାଖରୁ ୩ ଲକ୍ଷ ୨୮ ହଜାର ଟଙ୍କା ଜବତ କରିଥିଲେ। ଏହି ଟଙ୍କା ସେ କେଉଁଠୁ ଆଣିଥିଲେ ତାହାର କିଛି ଉତ୍ତର ଦେଇପାରି ନଥିଲେ। ପରେ ତାଙ୍କୁ ଗିରଫ କରାଯାଇଛି।

ତାଙ୍କ ପାଖରୁ ଜବତ ହୋଇଥିଲା ୫ ଶହ ଟଙ୍କିଅା ଓ ୨ ହଜାର ଟଙ୍କିଅା ବିଡ଼ା  ବିଡ଼ା ନୋଟ୍  ୫ଟି ଲଫାପା ଭିତରେ ତାହା ଥିଲା  ଭିଜିଲାନ୍ସ ସନ୍ଦେହ କରୁଛି,

ଗତକାଲି ଆର୍ଥିକବର୍ଷର ଶେଷ ଦିନ ଥିବାରୁ ଅସାଧୁ ଉପାୟରେ ନୀରଜ ଏହି ଟଙ୍କା ସଂଗ୍ରହ କରିଥିବା ସନ୍ଦେହ କରାଯାଉଛି। ନୀରଜ ଏହି ଅଭିଯୋଗକୁ ଖଣ୍ଡନ କରିବା ସହ ତାଙ୍କୁ କେହି ଅଫିସ ଷ୍ଟାଫ୍ ଫସାଇ ଦେଇଥିବା କହିଛନ୍ତି।

ସୂଚନାଯୋଗ୍ୟ, ନୀରଜ ପୂର୍ବରୁ ଏକାଧିବ ଦୁର୍ନୀତିରେ ସଂପୃକ୍ତ ଥିବା ଅଭିଯୋଗ ଥିଲା। ଗତରାତିରେ ଆୟ ବହିର୍ଭୁତ ସଂପତ୍ତି ଠୁଳ ଅଭିଯୋଗରେ ତାଙ୍କ ଘରେ ଭିଜିଲାନ୍ସ ଚଢାଉ କରି  ନଗଦ ୪ ଲକ୍ଷ ଟଙ୍କା, ଦୁଇଟି ଫ୍ଲାଟ, ଦୁଇଟି ଜାଗାର କାଗଜପତ୍ର ଓ ୪ ଶହ ଗ୍ରାମ ସୁନା ଜବତ  କରିଥିଲା। ଚଢାଉ ବେଳେ ତାଙ୍କର ଦୁଇଟି ଲକର୍ ଠାବ କରାଯାଇଥିଲା।

Previous ArticleNext Article

Send this to a friend