ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର)<strong>: </strong>“୭ ତାରିଖ ସନ୍ଧ୍ୟାରେ ମୁଁ.... କଲେଜକୁ ଇଣ୍ଟରଭ୍ୟୁ ଦେବାକୁ ଯାଇଥିଲେ। ମୋ ସାଥିରେ ଥିଲା ରାଜା ଭାଇ। ଆମେ ଦୁହେଁ ଗେଟ୍‌ ବାହାରେ ଅପେକ୍ଷା କଲୁ। ସେଠି ଚକିରି କରିଥିବା ଆଉ ଜଣେ ଭାଇଙ୍କ ସହାୟତାରେ ଭିତରକୁ ଗଲୁ। ରାଜା ଭାଇ ବାହାରେ ରହିଲେ ଆଉ ମୁଁ ଭିତରକୁ ଗଲି। ଏମ୍‌ଡି ମହୋଦୟ ମତେ ଛିଡା କରି ପ୍ରଶ୍ନ କଲେ। ସବୁ ଫାଲତୁ ପ୍ରଶ୍ନ। ତା ପରେ କହିଲେ ତୁ ଚାକିରି କରିବାକୁ ସିଲେକ୍ଟେଡ ହେଇଛୁ। ଦରମା ୧୮ ହଜାର। ଏ କଥା ଶୁଣି ମୁଁ ବାହାରକୁ ଆସିବା ବେଳକୁ ସେ ମୋ କାନ୍ଧରେ ହାତ ପକାଇ...।”</p> <p>ଏମିତିକ କିଛି କଥା କହି ନିଜକୁ ନିର୍ଦ୍ଦୋଶ ବୋଲି ସାବ୍ୟସ୍ତ କରିବାକୁ ଚେଷ୍ଟା କରିଛନ୍ତି ଜଣେ ଯୁବତୀ। ଇଏ ହେଉଛି ସେହି ଯୁବତୀଙ୍କ ବୟାନ୍‌ ଯାହାକୁ ଏବେ ଖୋଜୁଛି କମିଶନରେଟ୍‌ ପୋଲିସ। ନିଜର କିଛି ପୁରୁଷ ବନ୍ଧୁଙ୍କ ସହାୟତାରେ ଯୁବତୀ ଜଣକ ଏକ ଇଞ୍ଜିନିୟରିଂ କଲେଜର ମୁଖ୍ୟଙ୍କୁ ଫସେଇ ବ୍ଲାକମେଲ କରୁଥିଲେ। ସେ ଇଣ୍ଟରଭ୍ୟୁ ବାହାନାରେ କଲେଜକୁ ଯାଇ ସମ୍ପୃକ୍ତ କଲେଜ ମୁଖ୍ୟଙ୍କୁ ଆକର୍ଷିତ କରି ତାଙ୍କ ସହ କିଛି ଅଶ୍ଲିଳ ହରକତ୍‌ କରିଥିଲା। ଏହା କୁଆଡେ ସମ୍ପୁର୍ଣ୍ଣ ପ୍ରାୟୋଜିତ ଥିଲା। ସୁନ୍‌ସାନ୍‌ ଅଫିସ୍‌ କୋଠରୀରେ ବୟସ୍କ କଲେଜ ମୁଖ୍ୟ ଜଣକଙ୍କ କିଛି ଦୁର୍ବଳ ମୂହୂର୍ତ୍ତକୁ ଯୁବତୀଙ୍କ ପୁରୁଷ ବନ୍ଧୁମାନେ କ୍ୟାମେରାରେ କଏଦ କରି ନେଇଥିଲେ। ଯେଉଁ ଫଟୋ ଭାଇରାଲ କରିବାକୁ ଭୟ ଦେଖାଇ ତାଙ୍କଠାରୁ ଟଙ୍କା ଅସୁଲ କରୁଥିଲେ। ଘଟଣାରେ ପୋଲିସ ଅଭିଯୁକ୍ତଙ୍କମାନଙ୍କୁ ଗିରଫ କରିଥିବା ବେଳେ ଫେରାର ହୋଇ ଯାଇଛନ୍ତି ଯୁବତୀ।</p> <p>ଏହି ଚୋର ପୋଲିସ ଖେଳ ଭିତରେ ଭାଇରାଲ ହୋଇଛି ଯୁବତୀଙ୍କ ବୟାନ ସମ୍ୱଳିତ ଭିଡିଓ। ଯେଉଁଥିରେ ସକେଇ ହୋଇ ଯୁବତୀ ଜଣକ କହିଛନ୍ତି ଯେ, ସେ କୁଆଡେ ନିର୍ଦ୍ଦୋଷ। ତାଙ୍କର କିଛି ଭୁଲ୍‌ ନାହିଁ। ଆଉ ସେ ଦୃଢୋକ୍ତି ପ୍ରକାଶ କରି କହିଛନ୍ତି ଯେ, ତାଙ୍କୁ ପୋଲିସ ଗିରଫ କରି ପାରିବ ନାହିଁ । ଯଦି ହଇରାଣ କରେ ଅଥବା ଗିରଫ କରିବାକୁ ଚେଷ୍ଟା କରେ ତବେ ସେ ଆତ୍ମହତ୍ୟା କରିବେ ବୋଲି ଧମ୍‌କ ଦେଇଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
