ପାଣି ଟାଙ୍କି ଉଦ୍‌ଘାଟନ କଲେ ବୈଜୟନ୍ତ: କହିଲେ-ଲୋକେ ଉପକୃତ ହେବେ

କେନ୍ଦ୍ରାପଡ଼ା(ଓଡ଼ିଶା ରିପୋର୍ଟର): କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ବ୍ଲକ ପୁରୁଷୋତ୍ତମପୁରଠାରେ ନୂଆ ପାନୀୟ ଜଳ ପ୍ରକଳ୍ପକୁ ଉଦ୍‌ଘାଟନ କରିଛନ୍ତି କେନ୍ଦ୍ରାପଡ଼ା ସାଂସଦ ବୈଜୟନ୍ତ ପଣ୍ଡା। ଆଜିର ଏହି ଉଦଘାଟନ କାର୍ଯ୍ୟକ୍ରମ ପୂର୍ବରୁ ସ୍ଥାନୀୟ କିଛି ବିଜେଡି ନେତା ଓ କର୍ମୀ ଏହାର ବିରୋଧ କରିଥିଲେ। ଏହାସହ ପ୍ରକଳ୍ପର ମୁଖ୍ୟ ଫାଟକଲେ ତାଲା ପକାଇ ଦେଇଥିଲେ। ହେଲେ ସ୍ଥାନୀୟ ଲୋକେ ବିଜେଡି କର୍ମୀଙ୍କ ଏଭଳି କାମକୁ ବିରୋଧ କରିଛନ୍ତି। ଏହାକୁ ନେଇ ପୁରୁଷୋତ୍ତମପୁର ଗାଁରେ ସାମାନ୍ୟ ଉତ୍ତେଜନା ପ୍ରକାଶ ପାଇଥିଲା।

ଏହି ପ୍ରକଳ୍ପ ଦ୍ୱାରା ସ୍ଥାନୀୟ ଅଞ୍ଚଳର ପ୍ରାୟ ୩ ହଜାରରୁ ଅଧିକ ଲୋକ ଉପକୃତ ହେବେ। ସାଂସଦ ବୈଜୟନ୍ତ ପଣ୍ଡାଙ୍କ ଗସ୍ତକୁ ନେଇ ପୁରୁଷୋତ୍ତମପୁରରେ ବ୍ୟାପକ ପୋଲିସ ମୁତୟନ କରାଯାଇଛି।

ପାଣି ଟାଙ୍କି ଉଦ୍‌ଘାଟନ ପରେ ସାଂସଦ ବୈଜୟନ୍ତ ପଣ୍ଡା କହିଛନ୍ତି,“ ପାଣି ଟାଙ୍କି ଦ୍ୱାରା ଲୋକଙ୍କ ପାନୀୟ ଜଳ ସମସ୍ୟା ଦୂର ହେବ। ପାଣି ଟାଙ୍କି ସାଂସଦ ପାଣ୍ଠିରେ ନିର୍ମାଣ ହୋଇଥିବାରୁ ଉଦ୍‌ଘାଟନ ବେଳେ ସାଂସଦଙ୍କ ଉପସ୍ଥିତିରେ ହେବା ଉଚିତ।”

ସେହିପରି ପାଣି ଟାଙ୍କି ଉଦ୍‌ଘାଟନ କାର୍ଯ୍ୟକ୍ରମକୁ ବିରୋଧ ନେଇ ବୈଜୟନ୍ତ ପଣ୍ଡା କହିଛନ୍ତି,“ ଶାନ୍ତିପୂର୍ଣ୍ଣ ବିରୋଧ କୁହାଯାଉଛି, ମାତ୍ର ଶାନ୍ତିପୂର୍ଣ୍ଣ ଭାବେ ହୋଇନି। ଏଠାରେ ମୋର ଜଣେ କର୍ମୀଙ୍କୁ ସେମାନେ ମାରପିଟ କରିଛନ୍ତି। କର୍ମୀଙ୍କୁ ମାରିବ, ପିଇବା ପାଣି ବନ୍ଦ କରିବ ଠିକ୍‌ ନୁହେଁ। ଆମ ବିଜୁ ଜନତା ଦଳ ଆଗରୁ ଏମିତି ନଥିଲା। ୩/୪ ବର୍ଷ ହେଲା ଜଣେ ଅଫିସରଙ୍କ ପ୍ରଭାବରେ ଦଳ ଏମିତି ହୋଇଛି। ଉକ୍ତ ଅଫିସରଙ୍କ ପ୍ରଭାବରେ ଦଳଟା ଏଭଳି ହୋଇଛି, ଗୁଣ୍ଡାଗର୍ଦ୍ଦି ଚାଲିଛି।”

Previous ArticleNext Article

Send this to a friend