ତେଲକୋଇ (ଚିନ୍ମୟ ସାହୁ): କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ସିରିଗିଡ଼ା ଗାଁରେ ଏକ ଅଭାବନୀୟ ଘଟଣା ଘଟିଛି। ଘରୋଇ କଳହକୁ ନେଇ ବୋହୂ ଶାଶୂକୁ ପନିକିରେ ହାଣି ଦେଇଛି।
ଆଜି ସକାଳେ ନରସିଂହ ମହାନ୍ତଙ୍କ ସ୍ତ୍ରୀ ଜେମାମଣି ନାତିକୁ ଖୁଆଉ ଥିଲେ। ତେବେ ତଳେ ପଡ଼ିଥିବା ଖାଦ୍ୟକୁ କାହିଁକି ଖୁଆଉଛ ବୋଲି ବୋହୂ ପିଙ୍କି ଶାଶୂଙ୍କୁ କହିଥିଲେ। ଏହାକୁ ନେଇ ଶାଶୂ-ବୋହୂ ମଧ୍ୟରେ ଝଗଡ଼ା ହୋଇଥିଲା। ଏଥିରେ ଉତ୍କ୍ଷିପ୍ତ ହୋଇ ପିଙ୍କି ଏକ ପନିକିରେ ଶାଶୂଙ୍କ ହାତରେ ଓ ପିଠିରେ ହାଣି ଦେଇଥିଲେ।
ଜେମାମଣିଙ୍କୁ ତେଲକୋଇ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ତାଙ୍କ ଅବସ୍ଥା ଗୁରୁତର ରହିଛି। ତାଙ୍କୁ କେନ୍ଦୁଝର ଡାକ୍ତରଖାନାକୁ ସ୍ଥାନାନ୍ତର କରିବାକୁ ଡାକ୍ତର ପରାମର୍ଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
