ହିନ୍ଦୁ ସମାଜରେ ଗାଈଙ୍କୁ ମା’ର ସ୍ଥାନ ଦିଆଯାଇଛି। ଆମ ସମାଜରେ ଗାଈଙ୍କ ପୂଜା କରାଯାଇଥାଏ। ସାରା ବିଶ୍ୱରେ ଗାଈଙ୍କୁ ନିରିହ ପ୍ରାଣୀ ବୋଲି କୁହାଯାଇଥାଏ। ହେଲେ ଜାଣିଲେ ଆଶ୍ଚର୍ଯ୍ୟ ହେବ ଲଣ୍ଡନରେ ଗାଈଙ୍କୁ ବିପଦଜନକ ପଶୁ ଭାବେ ବିବେଚନା କରାଯାଇଥାଏ।
ବ୍ରିଟେନ୍ରେ ଏକ ଟନ୍ରୁ ଅଧିକ ଓଜନର ପ୍ରାଣୀ ଦଳି କିମ୍ବା ଧକ୍କା ଦେଇ ଲୋକଙ୍କ ଜୀବନ ନେଇଯାଇଥାନ୍ତି। ଗତ ୧୫ ବର୍ଷରେ ଗାଈଙ୍କ ଆକ୍ରମଣରେ ୭୪ ଜଣ ଲୋକଙ୍କ ପ୍ରାଣ ଯାଇ ସାରିଲାଣି। ଏଥିପାଇଁ ଗାଈକୁ ଏବେ ଏଠାରେ ବିପଦଜନକ ପ୍ରାଣୀ ତାଲିକାରେ ସାମିଲ କରାଯାଇଛି। ଲଣ୍ଡନର ହେଲଥ୍ ଆଣ୍ଡ ସେଫ୍ଟି ଏକଜିକ୍ୟୁଟିବ ପକ୍ଷରୁ ଏହି ସଂଖ୍ୟା ଜରି କରାଯାଇଛି।
ଏଚ୍ଆଇଇର ରିପୋର୍ଟ ଅନୁସାରେ କୁକୁରଙ୍କ ତୁଳନାରେ ଗାଈ ଅଧିକ ବିପଦଜନକ। କାରଣ ୨୦୦୫ରୁ ୨୦୧୩ ମଧ୍ୟରେ କୁକୁର ଆକ୍ରମଣରେ ୧୭ ଜଣଙ୍କ ପ୍ରାଣ ଯାଇଥିବା ବେଳେ ଗାଈଙ୍କ ଆକ୍ରମଣରେ ୭୪ ଜଣ ମୃତ୍ୟୁବରଣ କରିଛନ୍ତି। ଗାଈଙ୍କୁ ପବ୍ଲିକ ଫୁଟ୍ଫାଥର ଆଖପାଖ କ୍ଷେତକୁ ଚରିବାକୁ ନ ଛାଡିବାକୁ କୃଷକଙ୍କୁ ଏଚ୍ଆଇଇ ପକ୍ଷରୁ ପରାମର୍ଶ ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
