ମଣିପୁରୀ ଝିଅଙ୍କ ସାହାସିକତା, ଭାଇରାଲ୍ ହୋଇଗଲା ଫଟୋ

manipur

ଇମ୍ଫାଲ: ପାହାଡ଼ିଆ ରାସ୍ତାରେ ଗାଡ଼ି ଚଲାଇବାରେ ସବୁବେଳେ ଥାଏ ବିପଦ। ଖାଇରେ ଗାଡ଼ି ଖସି ଯିବା ସହ ଜୀବନ ଯିବାର ଭୟ ବି ରହିଥାଏ। ଆଉ ଯଦି ବର୍ଷା ହେଲା ତା’ହେଲେ ଏ ରାସ୍ତାର ଅବସ୍ଥା ଆହୁରି ଖରାପ ହୋଇଯାଏ। ଯିବାଆସିବା ମୁସ୍କିଲ୍ ହେବା ସହ ବିପଦ ଆହୁରି ବଢ଼ିଯାଏ। ତେବେ ମଣିପୁରର କିଛି ସ୍କୁଲ୍‌ ଛାତ୍ରୀ ଏମିତି କାଦୁଅ ପଚପଚ ପାହାଡ଼ି ରାସ୍ତାରୁ ଏକ ବସ୍‌କୁ ବାହାର କରି ଦେଖାଇଛନ୍ତି ସାହାସିକତା।

ସୋସିଆଲ ମିଡ଼ିଆରେ ଏହି ସାହାସୀ ଛାତ୍ରୀମାନଙ୍କ କିଛି ଫଟୋ ଭାଇରାଲ ହୋଇଛି। ଫଟୋରେ ଛାତ୍ରୀମାନେ କାଦୁଅ ରାସ୍ତାରୁ ଏକ ବସ୍‌କୁ ବାହାର କରୁଥିବା ଦେଖିବାକୁ ମିଳିଛି।  ଏକ ସ୍କୁଲର ଛାତ୍ରୀମାନେ ଷ୍ଟଡି ଟୁର୍‌ରେ ଥିଲେ। ତେବେ ତାଙ୍କ ସ୍କୁଲ ବସ୍‌ ପାହାଡ଼ି କାଦୁଅ ରାସ୍ତାରେ ଫସି ଯାଇଥିଲା।  ଏହାପରେ ଛାତ୍ରୀମାନେ ବସ୍‌ରେ ଏକ ଦଉଡ଼ି ବାନ୍ଧି ଦେଲେ ଓ ସମସ୍ତେ ମିଶି ଟାଣି ଟାଣି ବସ୍‌ଟିକୁ କାଦୁଅ ରାସ୍ତାରୁ ବାହାର କରିଥିଲେ।

Previous ArticleNext Article

Send this to a friend