ବିଲେଇଙ୍କ ପାଇଁ ଚାଲିଲା ସ୍ପେଶାଲ ଟ୍ରେନ୍‌

cat-cafe-train

ଟୋକିଓ (ଓଡ଼ିଶା ରିପୋର୍ଟର): ଆମ ଦେଶରେ କେବେ ଲୋକାଲ ଟ୍ରେନ୍‌ରେ ଯାଇଛନ୍ତି କି ? ଯଦି ଆପଣ ଲୋକାଲ ଟ୍ରେନ୍‌ର ଯାତ୍ରୀ ହୋଇଥିବେ ତେବେ ଜାଣିଥିବେ କିପରି ଭିଡ ହୋଇଥାଏ। ତେବେ କେବେ କୌଣସି ଜନ୍ତୁଙ୍କ ପାଇଁ ସ୍ପେଶାଲ ଟ୍ରେନ୍‌ ଚାଲିବା କଥା ଶୁଣିଛନ୍ତି। ଜାଣିଲେ ଆଶ୍ଚର୍ଯ୍ୟ ହୋଇଯିବେ ଜାପାନରେ ବିଲେଇ ମାନଙ୍କ ପାଇଁ ଚାଲିଛି ସ୍ପେଶାଲ ଟ୍ରେନ୍‌। ଏଥିରୁ ଜଣାପଡିଛି ଜାପାନବାସୀଙ୍କର ବିଲେଇ ପ୍ରତି କେତେ ଆତ୍ମୀୟତା ରହିଛି।

କେଟ କେଫ ନାମକ ଏହି ଟ୍ରେନ ପ୍ରଥମ ଦିନରେ ୪୦ ଯାତ୍ରୀଙ୍କୁ ନେଇ ଯାତ୍ରା କରିଥିଲା। ଯେଉଁଥିରେ ୩୦ ଯାତ୍ରୀଙ୍କ ସହ ବିଲେଇ ଯାତ୍ରା କରିଥିଲେ। ଟ୍ରେନ ଭିତରେ ଯାତ୍ରୀ ମାନେ ବିଲେଇଙ୍କ ସହ ଖେଳିବା ସହ ଫଟୋ ଉଠାଇ ମଜା ନେଇଥିଲେ।

ୟୋର ରେଳ କମ୍ପାନୀ ଲିମିଟେଡ ଓ ଏକ ବେସରକାରୀ ସଂଗଠନ ଦ୍ୱାରା ଏହି ସ୍ପେଶାଲ ଟ୍ରେନ୍‌ର ଆୟୋଜନ କରାଯାଇଥିଲା। ଏଭଳି ଟ୍ରେନ ଚଲାଇବାର ଉଦ୍ଦେଶ୍ୟ ବିଲେଇ ମାନଙ୍କ ହତ୍ୟା ବନ୍ଦ କରିବା ପାଇଁ ଲୋକଙ୍କୁ ସଚେତନ କରିବାକୁ ଉଦ୍ଦିଷ୍ଟ ଥିଲା।

ଦୁନିଆର ପ୍ରଥମ ଥର ପାଇଁ ବିଲେଇ ମାନଙ୍କୁ  ନେଇ ଯାତ୍ରା କରୁଥିବା ଏହି ଟ୍ରେନଟି ଅଢେଇ ଘଣ୍ଟା ଯାତ୍ରା କରିଥିଲା।

Previous ArticleNext Article

Send this to a friend