ନୂଆଦିଲ୍ଲୀ: ବ୍ୟାଙ୍କକରେ ୧୮ ବର୍ଷରୁ କମ୍ ଚତୁର୍ଥ ମହିଳା ଏସିଆ କପ୍ ହକିକୁ ନିଜ ଷ୍ଟାଇଲରେ ଆରମ୍ଭ କରିଛି ଭାରତ। ଆଜି ଅନୁଷ୍ଠିତ ଗ୍ରୁପ୍ ଷ୍ଟେଜ୍ ମ୍ୟାଚ୍ରେ ଭାରତୀୟ ଟିମ୍ ଚାଇନିଜ୍ ତାଇପେଇକୁ ୪-୦ ଗୋଲରେ ପରାସ୍ତ କରିଛି।
ଅପରାହ୍ନ ସାଢ଼େ ଦୁଇଟାରେ ମ୍ୟାଚ୍ ଆରମ୍ଭ ହେବାର କିଛି ସମୟରେ ଭାରତ ପ୍ରଥମ ଗୋଲ ଦେଇଥିଲା। ଦ୍ୱିତୀୟାର୍ଦ୍ଧରେ ଭାରତୀୟ ଖେଳାଳି ଲାଗ ଲାଗ ଦୁଇଟି ଗୋଲ ଦେଇ ସ୍କୋରକୁ ୩-୦ କରି ଦେଇଥିଲେ। ମ୍ୟାଚ୍ ଶେଷ ହେବାର କିଛି ସମୟ ପୂର୍ବରୁ ଭାରତୀୟ ଦଳ ଏକ ଫିଲ୍ଡ ଗୋଲ୍ ଦେଇ ସ୍କୋର ୪-୦ କରିବା ସହ ମ୍ୟାଚ୍ ଜିତି ନେଇଥିଲେ।
ଆସନ୍ତା ୧୭ ତାରିଖରେ ଚୀନକୁ ଭେଟିବ ଭାରତ। ୧୯ ତାରିଖରେ ଦଳ ମାଲେସିଆକୁ ଭେଟିବ।
୨୨ ତାରିଖରେ ଫାଇନାଲ୍ ମ୍ୟାଚ୍ ଖେଳା ଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।