ବିସିସିଆଇ ନିର୍ବାଚନ ଉପରେ ରୋକ ଲଗାଇବାକୁ ମନା କଲେ ସୁପ୍ରିମକୋର୍ଟ

supreme-court

ନୂଆଦିଲ୍ଲୀ: ବିସିସିଆଇ ନିର୍ବାଚନ ଉପରେ ରୋକ ଲଗାଇବା ପାଇଁ କରାଯାଇଥିବା ଆବେଦନକୁ ବୁଧବାର ସୁପ୍ରିମକୋର୍ଟ ଖାରଜ କରିଦେଇଛନ୍ତି। ମେ’୨୨ରେ ହେବାକୁ ଥିବା ନିର୍ବାଚନ ବିରୋଧରେ ଦାୟର କରାଯାଇଥିବା ଆବେଦନ ଶୁଣିବାକୁ କୋର୍ଟ ମନା କରିଦେଇଛନ୍ତି। ଆବେଦନକାରୀ ବିସିସିଆଇର ଆଶାୟୀ ପ୍ରାର୍ଥୀ ଅନୁରାଗ ଠାକୁରଙ୍କ ବିରୋଧରେ ଚାର୍ଜସିଟ୍ ଦାଖଲ କରି ତାଙ୍କୁ ନିର୍ବାଚନ ଲଢିବାକୁ ଅନୁମତି ନ ଦେବା ପାଇଁ ଅନୁରୋଧ କରିଥିଲେ।  କୋର୍ଟ ତାଙ୍କ ଆବେଦନକୁ ଖାରଜ କରି ତାଙ୍କୁ ପ୍ରଥମ ଅର୍ଡରରେ ପାସ୍‌ ହୋଇପାରୁଥିବା ବେଞ୍ଚରେ ଅପିଲ୍‌ କରିବାକୁ  ପରାମର୍ଶ ଦେଇଛନ୍ତି।

ଲୋଧା କମିଟି ରିପୋର୍ଟରେ ଉଲ୍ଲେଖ ରହିଛି ଯେ ବିସିସିଆଇ ନିର୍ବାଚନ ପାଇଁ କୌଣସି ବି ବ୍ୟକ୍ତିକୁ ଆଶାୟୀ ପ୍ରାର୍ଥୀ କରି ପାରିବ ନାହିଁ, ଯାହା ନାଁରେ ଚାର୍ଜସିଟ୍‌ ଦାୟର ହୋଇଥିବ।

 ଶଶାଙ୍କ ମନୋହରଙ୍କ ଇସ୍ତଫା ପରେ ଏହି ପଦବୀ ଖାଲି ପଡିଛି।

Previous ArticleNext Article

Send this to a friend