ଟେବୁଲ ଟେନିସ୍‌ରେ ଭାରତକୁ ଆଉ ଏକ ସ୍ୱର୍ଣ୍ଣ

cwg

ଗୋଲ୍ଡକୋଷ୍ଟ: ୨୧ତମ ରାଜ୍ୟଗୋଷ୍ଠୀ କ୍ରୀଡାର ୫ ଦିନରେ ଭାରତୀୟ ଖେଳାଳି ପୁଣି ଚମକିଛନ୍ତି। ରିପୋର୍ଟ ଲେଖାଯିବା ପର୍ଯ୍ୟନ୍ତ ଭାରତ ୫ମ ଦିନରେ ୨ଟି ଲେଖାଏଁ ସ୍ୱର୍ଣ୍ଣ, ରୋପ୍ୟ ଓ କାଂସ୍ୟ ପଦକ ଜିତି ସାରିଛି। ଗୁରୁତ୍ୱପୂର୍ଣ୍ଣ କଥା ହେଲା ଟେବୁଲ ଟେନିସ୍‌ରେ ଭାରତକୁ ପୁଣି ଏକ ସ୍ୱର୍ଣ୍ଣ ମିଳିଛି। ଗୋଲ୍ଡକୋଷ୍ଟରେ ମହିଳା ଟିମ୍‌ ପରେ ପୁରୁଷ ଟିମ୍‌ର ଜଲୱା ଦେଖିବାକୁ ମିଳିଛି। ଆଜି ଭାରତୀୟ ପୁରୁଷ ଦଳ ନାଇଜେରିଆକୁ ୩-୦ରେ ପରାସ୍ତ କରି ସ୍ୱର୍ଣ୍ଣ ପଦକ ହାସଲ କରିଛି।

କରାରା ଷ୍ଟାଡିୟମରେ ଖେଳା ଯାଇଥିବା ଏହି ମ୍ୟାଚ୍‌ର ପ୍ରଥମ ରାଉଣ୍ଡରେ ଭାରତର ଅଞ୍ଚତା ଶରତ ନାଇଜେରିଆ ଖେଳାଳିଙ୍କୁ ୪-୧୧, ୧୧-୫, ୧୧-୪, ୧୧-୯ରେ ପରାସ୍ତ କରିଥିଲେ। ଏହାପରେ କୋର୍ଟକୁ ଓହ୍ଲାଇ ଥିଲେ ସାଥିୟାନ ଗନ୍ନାସେକରନ୍‌। ସେ ନାଇଜେରିଆର ସେଗୁନ ତୋରିୟୋଲାଙ୍କୁ ୧୦-୧୨, ୧୧-୩, ୧୧-୩ ଓ ୧୧-୪ ସେଟ୍‌ରେ ପରାସ୍ତ କରିଥିଲେ। ଶେଷ ରାଉଣ୍ଡର ମିକ୍ସି ଡବଲରେ ହରମତ ଦେସାଇ ଓ ସାଥିୟାନ ନାଇଜେରିଆକୁ ୧୧-୮, ୧୧-୫ ଓ ୧୧-୩ ସେଟ୍‌ରେ ପରାସ୍ତ କରି ସ୍ୱର୍ଣ୍ଣପଦକ ପରେ କବ୍‌ଜା କରି ନେଇଥିଲେ।

ସୂଚନାଯୋଗ୍ୟ, ୧୨ ବର୍ଷ ପରେ ଟେବୁଲ ଟେନିସ୍‌ରେ ଭାରତକୁ ପଦକ ମିଳିଛି। ୨୦୦୬ ମେଲବୋର୍ଣ୍ଣ ରାଜ୍ୟଗୋଷ୍ଠୀ କ୍ରୀଡାରେ ଶେଷ ଥର ଭାରତ ପଦକ ଜିତିଥିଲା।

Previous ArticleNext Article

Send this to a friend