ମୁମ୍ବାଇ (ଓଡ଼ିଶା ରିପୋର୍ଟର): ଭାରତୀୟ କ୍ରିକେଟ୍ ଟିମର ୱିକେଟ୍ କିପର ଏମଏସ୍ ଧୋନୀ ଆଉ ଏକ ରେକର୍ଡର ଅଧିକାରୀ ହୋଇଛନ୍ତି। ଶ୍ରୀଲଙ୍କା ବିପକ୍ଷ ଦ୍ୱିତୀୟ ଦିନିକିଆରେ ସେ ଏହି ରେକର୍ଡର ଅଧିକାରୀ ହୋଇଛନ୍ତି। ଧୋନୀ ଦିନିକିଆ କ୍ରିକେଟ୍ରେ ୯୯ଟି ଷ୍ଟମ୍ପିଂ କରି ଶ୍ରୀଲଙ୍କାର କୁମାର ସାଙ୍ଗାକାରାଙ୍କ ରେକର୍ଡ ସହ ସମକକ୍ଷ ହୋଇଛନ୍ତି। କୁମାର ସାଙ୍ଗାକାରା ମଧ୍ୟ ଦିନିକିଆରେ ୯୯ଟି ଷ୍ଟମ୍ପିଂ କରିଛନ୍ତି।
ଗୁରୁବାର ଶ୍ରୀଲଙ୍କା ବିପକ୍ଷରେ ଧୋନୀ ନିଜର ୨୯୮ ଦିନିକିଆ ମ୍ୟାଚ୍ ଖେଳୁଥିବା ସମୟରେ ସେ ଏହି ରେକର୍ଡ କରିଛନ୍ତି। ଧୋନୀ ଏପର୍ଯ଼୍ୟନ୍ତ ୯୯ଟି ଷ୍ଟମ୍ପିଂ କରି ରେକର୍ଡ କରିଥିଲେ ମଧ୍ୟ ସବୁଠୁ ଅଧିକ ୱିକେଟ୍ ସେ ଶ୍ରୀଲଙ୍କା ବିପକ୍ଷରେ ନେଇଛନ୍ତି। ଶ୍ରୀଲଙ୍କା ବିପକ୍ଷରେ ଧୋନୀ ୨୧ଟି, ଇଂଲଣ୍ଡ ବିପକ୍ଷରେ ୧୬ଟି , ଅଷ୍ଟ୍ରେଲିଆ ଓ ୱେଷ୍ଟଇଣ୍ଡିଜ ବିପକ୍ଷରେ ଧୋନୀ ୧୨ଟି ଲେଖାଏଁ ଷ୍ଟମ୍ପି କରିଛନ୍ତି। ସେହିପରି ଧୋନୀ ହରଭଜନ ସିଂହଙ୍କ ବୋଲିଂ ବେଳେ ସର୍ବାଧିକ ୧୯ଥର ଷ୍ଟମ୍ପିଂ କରିଥିବା ସହ ରବିନ୍ଦ୍ର ଜାଡେଜାଙ୍କ ବଲରେ ୧୫ଟି ଓ ଅଶ୍ୱିନୀଙ୍କ ବଲରେ ୧୪ଟି ଷ୍ଟମ୍ପିଂ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
