ଧୋନିଙ୍କୁ ଛାଡ଼ି ସମସ୍ତେ ଫ୍ଲପ୍‌, ଭାରତ ୧୧୨ ରନ୍‌ରେ ଅଲ୍‌ଆଉଟ୍‌

Dhoniimage

ଧର୍ମଶାଳା: ବିରାଟ କୋହଲିଙ୍କ ଅନୁପସ୍ଥିତିରେ ଶ୍ରୀଲଙ୍କା ବିପକ୍ଷ ପ୍ରଥମ ଦିନିକିଆ ମ୍ୟାଚ୍‌ରେ ଭାରତର ନୈରାଶ୍ୟଜନକ ପ୍ରଦର୍ଶନ। ଆଜି ଧର୍ମଶାଳାଠାରେ ଖେଳା ଯାଉଥିବା ଏହି ମ୍ୟାଚ୍‌ରେ ଦଳ ପ୍ରଥମେ ବ୍ୟାଟିଂ କରି ମାତ୍ର ୧୧୨ ରନ୍‌ରେ ଅଲ୍‌ ଆଉଟ୍ ହୋଇଯାଇଛି। ମାତ୍ର ୩୮.୨ ଓଭରରେ ଦଳର ସମସ୍ତ ବ୍ୟାଟ୍ସମ୍ୟାନ୍ ଆଉଟ୍ ହୋଇଯାଇଥିଲେ। ଶିଖର ଧାୱନଙ୍କ ସମେତ ଦଳର ଚାରି ଜଣ ଖେଳାଳି ଶୂନରେ ଆଉଟ୍ ହୋଇଥିବା ବେଳେ ଅଧିନାୟକ ରୋହିତ ଶର୍ମା ମାତ୍ର ୨ ରନ୍ କରିଛନ୍ତି। ଧୋନି ସର୍ବାଧିକ ୬୫ ରନ୍ କରିଥିବା ବେଳେ  ହାର୍ଦ୍ଦିକ ପାଣ୍ଡ୍ୟା ୧୦ ଓ  କୁଳଦୀପ ଯାଦବ ୧୯ ରନ୍ କରିଛନ୍ତି।

ଶ୍ରୀଲଙ୍କା ପକ୍ଷରୁ ସୁରଙ୍ଗା ଲକମଲ ସର୍ବାଧିକ ୪ଟି ୱିକେଟ୍ ନେଇଥିବା ବେଳେ ନୂୱାନ ପ୍ରଦୀପ ୨ଟି ୱିକେଟ୍ ନେଇଛନ୍ତି।

ଶ୍ରୀଲଙ୍କା ଟସ୍ ଜିତି ପ୍ରଥମେ ବ୍ୟାଟିଂ ପାଇଁ ଭାରତକୁ ଆମନ୍ତ୍ରଣ କରିଥିଲା।

ସୂଚନାଯୋଗ୍ୟ, ଭାରତ-ଶ୍ରୀଲଙ୍କା ମଧ୍ୟରେ ଏହି ଦିନିକିଆ ସିରିଜ୍‌ରେ ଆଉ ଦୁଇଟି ମ୍ୟାଚ୍ ଖେଳାଯିବ।

Previous ArticleNext Article

Send this to a friend