ନୂଆଦିଲ୍ଲୀ: ଆଇପିଏଲ ସ୍ପଷ୍ଟ ଫିକ୍ସିଂରେ ଛନ୍ଦି ହୋଇଥିବା ଶାନ୍ତାକୁମାରରନ୍ ଶ୍ରୀସନ୍ଥ, ଅଙ୍କିତ ଚଭନ ଓ ଅଜିତ ଚାଣ୍ଡେଲାଙ୍କ ଉପରେ ବିସିସିଆଇ ଲାଗୁ କରିଥିବା ଆଜୀବନ ବାସନ୍ଦ ବଳବତ୍ତର ରହିବ। ଦିଲ୍ଲୀର ଟ୍ରାଏଲ କୋର୍ଟ ଆବଶ୍ୟକ ପ୍ରମାଣ ଅଭାବରୁ ଏହି ତିନି ଖେଳାଳିଙ୍କୁ ଆଇପିଏଲ ସ୍ପଷ୍ଟ ପିକ୍ସିଂରେ କ୍ଲିନ ଚିଟ୍ ଦେଇଥିଲେ ମଧ୍ୟ ଏହି କ୍ରିକେଟର ଭାରତୀୟ ଦଳରେ ସ୍ଥାନ ପାଇବା ନେଇ ଆଶଙ୍କା ସୃଷ୍ଟି ହୋଇଛି। ବୁଧବାର ଏହା କହିଛନ୍ତି ବିସିସିଆଇ ସମ୍ପାଦକ ଅନୁରାଗ ଠାକୁର। ଗଣମାଧ୍ୟମକୁ ସୂଚନା ଦେଇ ସେ କହିଛନ୍ତି ଯେ, ଏହି ୩ ଖେଳାଳିଙ୍କ ପକ୍ଷରୁ କୌଣସି ଭାରତୀୟ ଦଳରେ ସ୍ଥାନ ପାଇବା ନେଇ କୌଣସି ଆବେଦନ କରାଯାଇନାହିଁ। ସେମାନଙ୍କ ପକ୍ଷରୁ ଆବେଦନ ପାଇବା ପରେ ବିସିସିଆଇ ତାହାର ବିଚାର କରିବ ।
ଅନ୍ୟପକ୍ଷେ ୩୨ ବର୍ଷିୟ ଶ୍ରୀସନ୍ଥ ବିସିସିଆଇ ବିରୋଧରେ ଯିବେ ନାହିଁ ବୋଲି କହିଛନ୍ତି। ନିଜର ଦୃଢ ବିଶ୍ୱାସ ଓ ମନବଳକୁ ପାଥେୟ କରି ଚୟନକର୍ତ୍ତାଙ୍କ ମନ ଜିତିବି ବୋଲି ସେ ପ୍ରକାଶ କରିଛନ୍ତି । କେରଳ କ୍ରିକେଟ ଆସୋସିଏସନ ଶ୍ରୀସନ୍ଥଙ୍କୁ ନିଜର ସର୍ମଥନ ଜଣାଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।