ଲକ୍ଷ୍ନୌ: ଲକ୍ଷ୍ନୌରେ ଆଜି ଖେଳାଯିବାକୁ ଥିବା ଜୁନିୟର ହକି ବିଶ୍ୱକପ୍ ‘ପୁଲ-ଡି’ର ଏକ ମ୍ୟାଚ୍ରେ ଦେଶୀ ତଡ଼କା ଦେଖିବାକୁ ମିଳିବ। ଭାରତ ଓ କାନାଡା ମଧ୍ୟରେ ହେବାକୁ ଥିବା ଏହି ମ୍ୟାଚ୍ରେ ଦୁଇ ଦେଶର ଖେଳାଳିଙ୍କୁ ବିପୁଳ ସମର୍ଥନ ମିଳିବାକୁ ଯାଉଛି। କାରଣ ବିଶ୍ୱକପ୍ ଖେଳିବାକୁ ଆସିଥିବା ୧୮ ଜଣିଆ କାନାଡା ଟିମ୍ରେ ରହିଛନ୍ତି ୧୩ ଜଣ ଭାରତୀୟ ବଂଶୋଦ୍ଭବ ଖେଳାଳି। ଏହି ଖେଳାଳିମାନେ କାନାଡା ଜର୍ସିରେ ପଡିଆକୁ ଓହ୍ଲାଇବା ପରେ ଘରୋଇ ଦର୍ଶକଙ୍କ ସମର୍ଥନ ନିଶ୍ଚିତ ହାସଲ କରିବେ।
ଏମାନଙ୍କ ମଧ୍ୟରେ ସ୍ଥାନ ପାଇଥିବା U-19 ଟିମ୍ର ଫ୍ଲୋଏଡ ସମାକରିଅନହାସ ଏବଂ ଗଙ୍ଗା ସିଂହ ଭାରତରେ ଜନ୍ମ ହୋଇଛନ୍ତି।
ଅଜି କାନାଡା ବିପକ୍ଷ ମ୍ୟାଚ୍ରୁ ଭାରତ ତା’ର ବିଶ୍ୱକପ୍ ଅଭିଯାନ ଆରମ୍ଭ କରିବ। ପୁଲ୍-ଡିରେ ଭାରତ ଓ କାନାଡ଼ା ସହ ଦକ୍ଷିଣ ଆଫ୍ରିକା ଏବଂ ଇଂଲଣ୍ଡ ଅଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
