ବ୍ୟାଟିଂ ଆଭରେଜ୍‌ରେ ସଚିନ୍‌ଙ୍କ ଠାରୁ ଆଗରେ ବିନୋଦ କାମ୍ବଲି: ଆଶ୍ଚର୍ଯ୍ୟ ଲାଗୁଥିଲେ ବି କଥାଟି ସତ!

sachin-kambli

ମୁମ୍ବାଇ: ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର କ୍ରିକେଟ୍‌ ଜଗତର ଜଣେ ମହାନ ଖେଳାଳି। ସେ ଯେଉଁ ରେକର୍ଡ ସବୁ କରିଛନ୍ତି ହୁଏତ ଏହାକୁ ଅନ୍ୟ କୌଣସି ବ୍ୟାଟ୍ସମ୍ୟାନ୍‌ ଭାଙ୍ଗିପାରିବା ସହଜ ନୁହେଁ। ଏହି କୃତିତ୍ୱ ପାଇଁ ତାଙ୍କୁ କ୍ରିକେଟ୍‌ର ଗଡ୍ ମଧ୍ୟ କୁହାଯାଏ। ହେଲେ ଆପଣ ଜାଣି ଆଶ୍ଚର୍ଯ୍ୟ ହେବେ ଟେଷ୍ଟ କ୍ରିକେଟ୍‌ରେ ସଚିନଙ୍କ ପିଲାଦିନର ବନ୍ଧୁ ବିନୋଦ କାମ୍ବଲିଙ୍କ ଠାରୁ ସଚିନ୍‌ଙ୍କ ବ୍ୟାଟିଂ ଆଭରେଜ୍‌ କମ ଅଛି। ଯଦିଓ ଟେଷ୍ଟରେ କାମ୍ବଲି ମାତ୍ର ୧୭ଟି ମ୍ୟାଚ୍‌ ଖେଳିଛନ୍ତି। ଏହି ୧୭ଟି ମ୍ୟାଚ୍‌ରୁ କାମ୍ବଲି ୫୪.୨୦ ଅଭରେଜ୍‌ରେ ୧୦୮୪ ରନ୍‌ କରିଛନ୍ତି। ଅନ୍ୟପଟେ ସଚିନ ତେନ୍ଦୁଲକର ଟେଷ୍ଟ କ୍ରିକେଟ୍‌ରେ ୨୦୦ ଟି ମ୍ୟାଚ୍‌ ଖେଳି ୫୩.୭୮ ଆଭରେଜ୍‌ରେ ୧୫୯୨୧ ରନ୍‌ କରିଛନ୍ତି। ଯେଉଁଥିରେ ୫୧ଟି ଶତକ ଓ ୬୮ଟି ଅର୍ଦ୍ଧଶତକ ସାମିଲ। ଏହାରି ମଧ୍ୟରେ ୨୦୦୦ରୁ ଅଧିକ ଚୌକା ମାରିବାର ରେକର୍ଡ ସଚିନ୍‌ଙ୍କ ନାଁରେ ରହିଛି। ବିନୋଦ କାମ୍ବଲି ଯଦିଓ ଆରମ୍ଭରୁ ବିବାଦରେ ରହିଆସିଛନ୍ତି ତେବେ ଟିମ୍‌ ଇଣ୍ଡିଆରେ ସେ ଖୁବ କମ୍‌ ସମୟ ପାଇଁ ସ୍ଥାନ ପାଇଥିଲେ। ଯେଉଁଥିପାଇଁ ସଚିନ୍‌ଙ୍କ ସହ କାମ୍ବଲିଙ୍କୁ ତୁଳନା ସମ୍ଭବ ନୁହେଁ।

Previous ArticleNext Article

Leave a Reply

Your email address will not be published. Required fields are marked *