ହକି ସହ ଏଥର ମଦ ନିଶାରେ ବି ଝୁମିବ କଳିଙ୍ଗ ଷ୍ଟାଡ଼ିୟମ: ସରକାରଙ୍କ ପକ୍ଷରୁ ମଦ ଯୋଗାଇଦେବାକୁ ଚାଲିଛି ପ୍ରୟାସ

ଭୁବନେଶ୍ୱର(ଓଡ଼ିଶା ରିପୋର୍ଟର): ହକିର ସର୍ବବୃହତ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟ ବିଶ୍ୱକପ୍ ଆସନ୍ତା ନଭେମ୍ବର ମାସରେ ଭୁବନେଶ୍ୱର କଳିଙ୍ଗ ଷ୍ଟାଡିୟମରେ ଖେଳାଯିବ। ଏହି ଟୁର୍ଣ୍ଣାମେଣ୍ଟ ଲାଗି ଜୋରସୋରରେ ଚାଲିଛି ପ୍ରସ୍ତୁତି। ଏହି ଅବସରରେ ହକି ବିଶ୍ୱକପରେ ଅତିଥିଙ୍କୁ ମଦରେ ଆପ୍ୟାୟିତ କରିବେ ରାଜ୍ୟ ସରକାର। ବିଦେଶୀ ଟିମ ସହ ସେମାନଙ୍କ ଅଫିସିଆଲ, ଗଣମାଧ୍ୟମ ପ୍ରତିନିଧି ଓ ଖେଳ ଦେଖିବାକୁ ବହୁସଂଖ୍ୟାରେ ବିଦେଶୀ ଅତିଥି ଆସିବା ସମ୍ଭାବନା ରହିଛି। ସେମାନଙ୍କୁ ଅନ୍ତର୍ଜାତୀୟ ସ୍ତରର ଆତିଥ୍ୟ ଦେବା ଲାଗି ମଧ୍ୟ ବ୍ୟବସ୍ଥା କରାଯାଉଛି। ତେବେ ଭିଆଇପି ଲାଉଞ୍ଜରେ ମଦ ପରିବେଷଣ ଲାଗି ଅନୁମତି ଦେବା ଲାଗି କ୍ରୀଡ଼ା ବିଭାଗ ଅବକାରୀ କମିଶନଙ୍କ ଅନୁମତି ମାଗିବାକୁ ନେଇ ସୃଷ୍ଟି ହୋଇଛି ଚର୍ଚ୍ଚା।

ଚଳିତ ବର୍ଷ ନଭେମ୍ବର ୨୮ରୁ ଡିସେମ୍ବର ୧୬ ପର୍ଯ୍ୟନ୍ତ ହକି ବିଶ୍ୱକପ ଖେଳାଯିବାକୁ ଥିବା ବେଳେ ହଜାର ହଜାର ଭିଆଇପି ଅତିଥି ଏଥିପାଇଁ କଲିଙ୍ଗ ଷ୍ଟାଡ଼ିୟମକୁ ଆସିବେ। ଏହି ସମୟରେ ଅତିଥିଙ୍କୁ ମଦ ପାନୀୟ ସବୁଧା ଯୋଗାଇବାକୁ ରାଜ୍ୟସରକାର ଚିନ୍ତା କରିଛନ୍ତି। ଓଡ଼ିଶା ସରକାରଙ୍କ କ୍ରୀଡ଼ା ସଚିବ ବିଶାଲ ଦେବ ଆବକାରୀ ବିଭାଗକୁ ଲାଇସେନ୍ସ ଜାରି ପାଇଁ ଅନୁରୋଧ କରିଛନ୍ତି।

ଏହି ଅନୁମତିର ଅପବ୍ୟବହାର ହେବ ନାହିଁ ତ? କାରଣ ଯଦି ନିର୍ଦ୍ଧାରିତ ବ୍ୟକ୍ତିବିଶେଷଙ୍କ ଛଡ଼ା ଆଉ କେହି ଏଭଳି ଅନୁମତିରୁ ମନ୍ଦ ଫାଇଦା ଉଠାବାକୁ ଚେଷ୍ଟା କରନ୍ତି, ସେମାନଙ୍କୁ ରୋକିବ କିଏ ? ତେବେ ବାହାର ଅତିଥିଙ୍କୁ ଯାହା ଯାହା ଆବଶ୍ୟକ ସେସବୁ ପ୍ରତି ଧ୍ୟାନ ଦେବାକୁ ପଡିବ ବୋଲି କୁହାଯାଉଛି।

Previous ArticleNext Article

Leave a Reply

Send this to a friend