ହରମନ୍‌ପ୍ରୀତ୍‌  ଓ ମନ୍ଧନାଙ୍କ ବିସ୍ଫୋରକ ବ୍ୟାଟିଂ

ନୂଆଦିଲ୍ଲୀ: ଭାରତୀୟ ମହିଳା ଦଳର ଅଧିନାୟକ ‘ହରମନ୍‌ପ୍ରୀତ୍‌ କୌର କିଆ’ ସୁପର୍‌ଲିଗ୍‌ରେ ନିଜର ପଦାର୍ପଣ ମ୍ୟାଚ୍‌ରେ ନିଜର ଜଲୱା ଦେଖାଇଛନ୍ତି। ‘ଲାଙ୍କାଶାୟାର ଥଣ୍ଡର’ ପକ୍ଷରୁ ଖେଳୁଥିବା ହରମନ୍‌ପ୍ରୀତ୍‌ଙ୍କ ଇନିଂସ୍‌ ଯୋଗୁ ଦଳ ୫ ୱିକେଟ୍‌ରେ ‘ସରେ ଷ୍ଟାର୍ସ’କୁ ପରାସ୍ତ କରିଛି। ମ୍ୟାଚ୍‌ର ଅନ୍ତିମ ୪ ବଲ୍‌ରେ ଲାଙ୍କାଶାୟାରକୁ ୧୦ ରନ୍‌ ଦରକାର ଥିଲା। ହରମନପ୍ରୀତ ତୃତୀୟ ବଲ୍‌ରେ ୨ ରନ୍‌ ଓ ୪ର୍ଥ ବଲ୍‌ରେ ଚୌକା ମାରିଥିଲେ। ସେହିପରି ୫ମ ବଲ୍‌ରେ ଏକ ବିଶାଳ ଛକା ମାରି […]

685428-ipl-2018

685428-ipl-2018

Rakesh Mallick
  • Published: Wednesday, 01 August 2018
  • Updated: 01 August 2018, 09:43 PM IST

Sports

Latest News

ନୂଆଦିଲ୍ଲୀ: ଭାରତୀୟ ମହିଳା ଦଳର ଅଧିନାୟକ ‘ହରମନ୍‌ପ୍ରୀତ୍‌ କୌର କିଆ’ ସୁପର୍‌ଲିଗ୍‌ରେ ନିଜର ପଦାର୍ପଣ ମ୍ୟାଚ୍‌ରେ ନିଜର ଜଲୱା ଦେଖାଇଛନ୍ତି। ‘ଲାଙ୍କାଶାୟାର ଥଣ୍ଡର’ ପକ୍ଷରୁ ଖେଳୁଥିବା ହରମନ୍‌ପ୍ରୀତ୍‌ଙ୍କ ଇନିଂସ୍‌ ଯୋଗୁ ଦଳ ୫ ୱିକେଟ୍‌ରେ ‘ସରେ ଷ୍ଟାର୍ସ’କୁ ପରାସ୍ତ କରିଛି।

ମ୍ୟାଚ୍‌ର ଅନ୍ତିମ ୪ ବଲ୍‌ରେ ଲାଙ୍କାଶାୟାରକୁ ୧୦ ରନ୍‌ ଦରକାର ଥିଲା। ହରମନପ୍ରୀତ ତୃତୀୟ ବଲ୍‌ରେ ୨ ରନ୍‌ ଓ ୪ର୍ଥ ବଲ୍‌ରେ ଚୌକା ମାରିଥିଲେ। ସେହିପରି ୫ମ ବଲ୍‌ରେ ଏକ ବିଶାଳ ଛକା ମାରି ଲାଙ୍କାଶାୟାରକୁ ଜବରଦସ୍ତ ବିଜୟ ଦେଇଥିଲେ। ହରମନପ୍ରୀତ ମାତ୍ର ୨୧ ବଲ୍‌ରେ ୩ ଚୌକା ଓ ୧ ଛକା ସହ ଅପରାଜିତ ୩୪ ରନ୍‌ର ଇନିଂସ ଖେଳିଥିଲେ।

ଏହି ମ୍ୟାଚ୍‌ରେ ନାଟାଲି ସ୍କିଭିରଙ୍କ ଅପରାଜିତ ୯୫ ରନ୍‌ ବଳରେ ସରେ ଷ୍ଟାର୍ସ ନିର୍ଦ୍ଧାରିତ ୨୦ ଓଭରରେ ୫ ୱିକେଟ୍‌ ହରାଇ ୧୪୮ ରନ୍‌ କରିଥିଲା। ଜବାବରେ ଲାଙ୍କାଶାୟାର ଥଣ୍ଡର ଗୋଟିଏ ବଲ୍‌ ବାକିଥାଇ ୫ ୱିକେଟ୍‌ରେ ମ୍ୟାଚ୍‌ଟିକୁ ଜିତିନେଇଛି। ଦଳ ପକ୍ଷରୁ ବୋଲଟନ୍‌ ସର୍ବାଧିକ ୬୧ ବଲ୍‌ରେ ୮୭ ରନ୍‌ କରିଥିଲେ।

ଚଳିତ ଲିଗ୍‌ର ଅନ୍ୟ ଏକ ମୁକାବିଲାରେ ଭାରତୀୟ ମହିଳା ଦଳର ଓପନର୍‌ ସ୍ମୃତି ମନ୍ଧାନା ଆଉ ଏକ ମ୍ୟାଚ୍‌ ବିଜୟୀ ଇନିଂସ ଖେଳିଛନ୍ତି। ମନ୍ଧାନାଙ୍କ ୨୭ ବଲ୍‌ରେ ୪୩ ରନ୍‌ ଇନିଂସ ବଳରେ ୱେଷ୍ଟର୍ଣ୍ଣ ଷ୍ଟର୍ମ ୯ ୱିକେଟ୍‌ରେ ସଦର୍ଣ୍ଣ ଭାଇପର୍ସକୁ ପରାସ୍ତ କରିଛି।

ସଦର୍ଣ୍ଣ ଭାଇପର୍ସ ୯୧ ରନ୍‌ କରି ଅଲ ଆଉଟ୍‌ ହୋଇଥିବା ବେଳେ ୱେଷ୍ଟର୍ଣ୍ଣ ଷ୍ଟର୍ମ ୯.୩ ଓଭରରେ ମାତ୍ର ୧ ୱିକେଟ୍‌ ହରାଇ ଆବଶ୍ୟକ ରନ୍‌ ହାସଲ କରିନେଇଥିଲା। ଦମରଦାର ଇନିଂସ ପାଇଁ ମନ୍ଧାନା ପ୍ଲେୟାର ଅଫ୍‌ ଦି ମ୍ୟାଚ୍‌ ବିବେଚିତ ହୋଇଥିଲେ।

 

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos