ରିଲିଜ୍‌ ହେଲା ଫିଫା ଥିମ୍ ସଙ୍ଗ: ଆସୁ ଆସୁ କିଣି ନେଲା କୋଟି କୋଟି ଲୋକଙ୍କ ମନ

ଭୁବନେଶ୍ୱର(ଓଡ଼ିଶା ରିପୋର୍ଟର): ଫିଫା ବିଶ୍ୱକପ ପୂର୍ବରୁ ଏହାକୁ ସୁବୁଠୁ ଅଧିକ ଆକର୍ଷଣୀୟ କରିବା ପାଇଁ ସାମ୍ନାକୁ ଆସିଛି ଥିମ୍ ସଙ୍ଗ। ଗ୍ରାଣ୍ଡ ଓପନିଂ ପୂର୍ବରୁ ଆରମ୍ଭ ହୋଇ ସାରିଛି ମ୍ୟୁଜିକ ସିରିଜ। ବିଶ୍ୱକପକୁ ଅଧିକ ଜୀବନ୍ତ କରିବା ପାଇଁ ସାରା ବିଶ୍ୱ ଏବେ ମ୍ୟୁଜିକ ମାନିଆରେ। ଫିଫା ନିଜର ଅଫିସିଆଲ୍ ଥିମ୍ ସଙ୍ଗ ରିଲିଜ କରି ଦର୍ଶକଙ୍କୁ ଆକୃଷ୍ଟ କରିବା ପାଇଁ ଚେଷ୍ଟା କରିଛି। ଫୁଟବଲ୍‌ ଖେଳାଳଙ୍କ ବିଭିନ୍ନ କ୍ଲିପକୁ ନେଇ ନିର୍ମାଣ ହୋଇଛି ଲିଭ୍ ଇଟ୍ ଅପ୍ ଭିଡିଓ ସଙ୍ଗ। 

ଆମେରିକାନ ସିଙ୍ଗର ନିକି ଜାମଙ୍କ ସହ ଭିଡିଓ ସଙ୍ଗରେ ନଜର ଆସିଛନ୍ତି ଅଭିନେତା-ପ୍ରଯୋଜକ ଓ୍ୱିଲ୍ ସ୍ମିଥ୍ ଏବଂ ଇରା ଇସ୍ତ୍ରେଫି। ସେହିପରି ସ୍ପାନିସ ଏବଂ ଇଂଲିସରେ ଆଉ ଏକ ଥିମ୍ ସଙ୍ଗ କଲର୍ସ ରିଲିଜ ହୋଇଛି।  ଆମେରିକାନ ସିଙ୍ଗର ଜାସନ ଡେରୁଲାଙ୍କ କଲର୍ସ ରିଲିଜ ହେବା ପରେ ଲୋକଙ୍କ ମଧ୍ୟରେ ଆଦୃତ୍ୱ ହୋଇପାରିଛି।

କବେଳ ଋଷ ବିଶ୍ୱକପରେ ନୁହେଁ ପୂର୍ବରୁ ଖେଳାଯାଇଥିବା ଦକ୍ଷିଣ ଆଫ୍ରିକା ଏବଂ ବ୍ରାଜିଲ ବିଶ୍ୱକପରେ ମଧ୍ୟ ଦେଖିବାକୁ ମଳିଥିଲା ଥିମ୍ ସଙ୍ଗର ମାନିଆ। ତେବେ ସବୁଠୁ ଅଧିକ ଲୋକପ୍ରିୟତା ହାସଲ କରିଥିଲା ସାକିରାଙ୍କ ଓ୍ୱାକା ଓ୍ୱାକା ସାକିରଙ୍କ ଓ୍ୱାକା ଓ୍ୱାକା ସଙ୍ଗ। ୟୁଟୁ୍ୟବରେ ଏହାକୁ ୧୮୫ କୋଟିରୁ ଅଧିକ ଲୋକ ଦେଖିଥିଲେ। ଏବେ ବି ଏହି ସଙ୍ଗର ଲୋକପ୍ରିୟତା କମିନାହିଁ।

ସେହିପରି ୨୦୧୪ ବ୍ରାଜିଲ ବିଶ୍ୱକପରେ ପିଟବୁଲ୍ ଗାଇଥିବା ସଙ୍ଗର ଲୋକପ୍ରିୟତା ମଧ୍ୟ କମ ନଥିଲା । ଗୀତରେ ଅଭିନୟ କରିବା ସହ ନିଜେ ଗାଇଥିଲେ ପିଟବୁଲ୍। ସେ ବି ପୁଣି ଆମେରିକାନ୍ ଫ୍ଲାଇଙ୍ଗ ଗର୍ଲ ଜେନିଫର ଲୋପେଜଙ୍କ ସହ। ୧୯୬୨ ମସିହାରୁ ରିଲିଜ ହୋଇଆସୁଛି ଫିଫା ବିଶ୍ୱକପର ଥିମ୍ ସଙ୍ଗ ପରମ୍ପରା।

Previous ArticleNext Article

Leave a Reply

Send this to a friend