ହାତରେ ଆଙ୍ଗୁଳି ନଥିଲା, କିନ୍ତୁ ବୋଲିଂ କଲେ ବ୍ୟାଟ୍ସମ୍ୟାନ ହୋଇଯାଉଥିଲେ ଛାନିଆ

azim haffez

 

ଶତ ପ୍ରତିଶତ ଭାବେ ଫିଟ୍‌ ନ ରହିଲେ, କ୍ରିକେଟ ଖେଳିବା ଅସମ୍ଭବ। ଏହି ଖେଳରେ ଅନେକ ସମୟରେ ଖେଳାଳୀ ଆହତ ହୋଇ ଦଳରୁ ବାଦ୍‌ ପଡିଥିବାର ନଜିର ରହିଛି। କିନ୍ତୁ କ୍ରିକେଟ ଇତିହାସରେ ଏମିତି ଜଣେ ଖେଳାଳି ଥିଲେ, ଯାହାଙ୍କର ଜନ୍ମରୁ ଗୋଟିଏ ହାତର ଦୁଇଟି ଆଙ୍ଗୁଠି ନଥିଲେ ମଧ୍ୟ ପ୍ରତିଭା ବଳରେ କ୍ରିକେଟ ଜଗତରେ ନିଜକୁ ଜଣେ ସଫଳ ‍ବୋଲର ଭାବେ ପ୍ରତିପାଦିତ କରି ପାରିଥିଲେ। ସେ ହେଉଛନ୍ତି ପାକିସ୍ତାନର ଦ୍ରୁତ ବୋଲର ଅଜୀମ ହାଫିଜ।

ପାକିସ୍ତାନର ବାମହାତୀ ଦ୍ରୁତ ବୋଲର ଅଜୀମ ହାଫିଜ। ଜନ୍ମ ସମୟରୁ ଡାହାଣ ହାତରେ ଦୁଇଟି ଆଙ୍ଗୁଠି ନାହିଁ। କିନ୍ତୁ ତାଙ୍କ ମନୋବଳ ତାଙ୍କୁ କ୍ରିକେଟ ଖେଳରୁ ଅଟକାଇ ପାରିନଥିଲା। ବିଗତ ଦିନରେ ପାକିସ୍ତାନର ଦ୍ରୁତ ବୋଲର ଇମରାନ୍‌ ଖାନ୍‌ ଆହତ ହେବା ଅଜୀମଙ୍କ ପାଇଁ ସୁଯୋଗ ଆଣିଥିଲା। ପାକିସ୍ତାନରେ ଫାଷ୍ଟକ୍ଲାସ୍‌ କ୍ରିକେଟ ଖେଳୁଥିବା ଅଜୀମଙ୍କୁ ଜାତୀୟ ଦଳରୁ ଖେଳିବା ପାଇଁ ଡକରା ଆସିଥିଲା।

୧୯୮୩ ମସିହା ସେପ୍ଟେମ୍ବରରେ ବାଙ୍ଗାଲୋର ଟେଷ୍ଟରେ ଭାରତ ବିପକ୍ଷରେ ନିଜ ଅନ୍ତର୍ଜାତୀୟ କ୍ୟାରିୟରର ପ୍ରଥମ ମ୍ୟାଚ ଖେଳିଥିଲେ ଅଜୀମ। ତିନି ମ୍ୟାଚ ବିଶିଷ୍ଟ ଏହି ସିରିଜରେ ସେ ୧୦ଟି ୱିକେଟ ନେଇ ସମସ୍ତଙ୍କୁ ଚକିତ କରି ଦେଇଥିଲେ। ପାକିସ୍ତାନ ପକ୍ଷରୁ ଅନ୍ତର୍ଜାତୀୟ କ୍ରିକେଟ ମ୍ୟାଚ ଖେଳି ୭୮ଟି ୱିକେଟ ହାସଲ କରିଛନ୍ତି ଅଜୀମ। ଠିକ୍‌ ଏହାର ଗୋଟିଏ ବର୍ଷ ପରେ ୧୯୮୪ ମସିହାରେ ଘରୋଇ ମୈଦାନ ଲାହୋର ଟେଷ୍ଟରେ ଭାରତ ବିପକ୍ଷରେ ୪୬ ରନ୍‌ରେ ୬ ୱିକେଟ ନେଇ ସମସ୍ତ କ୍ରିକେଟ ପ୍ରେମୀଙ୍କୁ ଆଚମ୍ବିତ କରି ଦେଇଥିଲେ। କିନ୍ତୁ ପାକିସ୍ତାନ କ୍ରିକେଟ ଦଳରେ ନୂଆ ଯୁବ ତାରକା ୱାସିମ ଆକ୍ରମଙ୍କ ଉଦୟ ପରେ ତାଙ୍କ କ୍ୟାରିୟରର ପରିସମାପ୍ତି ଘଟିଥିଲା। ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ମ୍ୟାଚ ତାଙ୍କର ଶେଷ ଅନ୍ତର୍ଜାତୀୟ ମ୍ୟାଚ ଥିଲା।

କେବଳ ଅଜୀମ ନୁହେଁ ପାକିସ୍ତାନର ଦ୍ରୁତ ବୋଲର ୱାକର ୟୁନୁସ୍‌ଙ୍କ ବାମ ହାତର ସବୁଠାରୁ ଛୋଟ ଆଙ୍ଗୁଳି ନାହିଁ। ଛୋଟବେଳେ କ୍ରିକେଟ ଖେଳୁଥିବା ସମୟରେ ୱାକରଙ୍କ ଆଙ୍ଗୁଠିରେ ଆଘାତ ଲାଗିଥିଲା, ଯାହାଫଳରେ ଡାକ୍ତରଙ୍କୁ ସେହି ଆଙ୍ଗୁଳି କାଟିବାକୁ ପଡିଥିଲା। କିନ୍ତୁ ଗୋଟିଏ ଆଙ୍ଗୁଠି ବିନା ମଧ୍ୟ ୱାକର ବିଶ୍ୱ କ୍ରିକେଟରେ ଦ୍ରୁତ ବୋଲିଂ ମାଧ୍ୟମରେ ନିଜ ଛାପ ଛାଡିଥିଲେ।

Previous ArticleNext Article

Send this to a friend