ୱିମ୍ବଲଡନ୍: ଆଗକୁ ବଢିଲେ ପେସ

paes

ଲଣ୍ଡନ: ୱିମ୍ବଲଡନର ଚାମ୍ପିଅନସିପର ମିଶ୍ରିତ ଯୁଗଳ ବର୍ଗରେ ପ୍ରିକ୍ୱାର୍ଟର ଫାଇନାଲରେ ପହଞ୍ଚି ଯାଇଛନ୍ତି ଲିଆଣ୍ଡର ପେସ ଓ ମାର୍ଟିନା ହିଙ୍ଗିସ୍। ଅନ୍ୟପକ୍ଷରେ ସ୍ପେନର ମାରିଆ ଜୋସ ମାର୍ଟିନେଜ ସାଞ୍ଚେଜଙ୍କୁ ସାଥୀ କରି ମିଶ୍ରିତ ଯୁଗଳ ବର୍ଗରେ  ଖେଳୁଥିବା ଅନ୍ୟତମ ଭାରତୀୟ ବ୍ୟାଡମିଣ୍ଟନ୍ ତାରକା ରୋହନ ବୋପନ୍ନା ଦ୍ୱିତୀୟ ରାଉଣ୍ଡରେ ପରାସ୍ତ ହୋଇଛନ୍ତି।

ସପ୍ତମ ସିଡର ପେସ ଓ ହେଙ୍ଗିସ ଫ୍ରାନ୍ସ ଯୋଡି ଇଡୋଉଆର୍ଡ, ରୋଜର ଭେସେଲିନ୍ ଓ ଆଲିଜ୍ କୋରନେଟଙ୍କୁ ୬-୪, ୬-୨ରେ ହରାଇ ପ୍ରି-କ୍ୱାଟର ଫାଇନାଲରେ ପହଞ୍ଚି ଯାଇଛନ୍ତି। ସେମାନେ ପରବର୍ତ୍ତୀ ମ୍ୟାଚରେ ନ୍ୟୁଜିଲ୍ୟାଣ୍ଡ ଓ ଅଷ୍ଟ୍ରେଲୀୟ ଯୋଡି ଅରଟେସ ସିଟାକ୍ ଓ ଆନାଷ୍ଟିସିଆ ରୋଡିଓନୋଭୋଙ୍କୁ ଭେଟିବେ। ବୋପନ୍ନା ଓ ସାଞ୍ଚେଜ ୨-୬, ୪-୬ ସେଟରେ ରୋମାନିଆ ଓ ସ୍ଲୋଭେନିଆ ଯୋଡି ହୋରିଆ ଟେକାଉ ଓ କାଟାରିନା ସ୍ରେବୋତନିକଙ୍କ ଠାରୁ ହାରିଯାଇଛନ୍ତି।

ସୋମବାର ୱିମ୍ୱଲଡନ ଚାମ୍ପିଆନସିପର କ୍ୱାଟର ଫାଇନାଲ ପର୍ଯ୍ୟାୟରେ ପହଞ୍ଚିବାକୁ ତିନିଜଣ ଭାରତୀୟ ଖେଳାଳି ଉଦ୍ୟମ କରିବେ।

ମହିଳା ଡବଲ୍ସର ତୃତୀୟ ରାଉଣ୍ଡରେ ଟପ ସିଡ୍ ସାନିଆ ମୀର୍ଜା ଓ ମାର୍ଟିନା ହିଙ୍ଗିସ୍ ୧୬ ତମ ସିଡର ସ୍ପେନ୍ ଯୋଡି ଆନାବେଲ ମେଡିନା ଓ ଆର୍ନାଟାକ୍ସା ପାରକୁ ଭେଟିବେ ସେହିପରି ପୁରୁଷ ଡବଲ୍ସରେ ୧୧ ତମ ସିଡର ପେସ ଓ ଡାନିଏଲ ନେଷ୍ଟର ଯୋଡି ଅଷ୍ଟ୍ରିଆ-ବ୍ରାଜିଲ୍ ଯୋଡି ଆଲେକଜାଣ୍ଡାର ପେୟା ଓ ବ୍ରୁନୋ ସୋଆରେସଙ୍କୁ ଭେଟିବେ ବୋପାନ୍ନା  ଓ ତାଙ୍କାର ରୋମାନିଆ ସାଥି ଫ୍ଲୋରିନ୍ ମାର୍ଜିଆ ପୋଲାଣ୍ଡ- ବେଲାରୁଷିଆ ଯୋଡି ଲୁକାସ୍ କୁ ବୋଟ ଓ ମାକ୍ସ ମିରନୀଙ୍କୁ ଭେଟିବେ।

Previous ArticleNext Article

Send this to a friend