ୱେଷ୍ଟଇଣ୍ଡିଜ୍‌କୁ ବିଶ୍ୱକପ ଟିକେଟ୍‌ ଚିନ୍ତା: ବିସ୍ଫୋରକ ବ୍ୟାଟ୍ସମ୍ୟାନ୍‌ କ୍ରିସ୍‌ ଗେଲଙ୍କୁ ଡକରା

Chris-Gayle

ଭୁବନେଶ୍ୱର (ଓଡ଼ିଶା ରିପୋର୍ଟର): ୱେଷ୍ଟଇଣ୍ଡିଜ ଦଳକୁ ଫେରିଲେ ବିସ୍ଫୋରକ ବ୍ୟାଟ୍ସମ୍ୟାନ କ୍ରିସ ଗେଲ୍।  ଇଂଲଣ୍ଡ ବିପକ୍ଷ ୫ଟିକିଆ ସିରିଜ ପାଇଁ ତାଙ୍କୁ ୱେଷ୍ଟଇଣ୍ଡିଜ ଦଳରେ ସାମିଲ କରାଯାଇଛି।  ୨୦୧୫ ଆଇସିସି ବିଶ୍ୱକପ ପରଠାରୁ ଗେଲ ଦଳରୁ ବାଦ ପଡିଥିଲେ। ତାଙ୍କର ଆନ୍ତର୍ଜାତିକ ମ୍ୟାଚ ଖେଳିବା ଉପରେ ୱେଷ୍ଟଇଣ୍ଡିଜ ବୋର୍ଡ ପକ୍ଷରୁ କଟକଣା କରାଯାଇଥିଲା। କିନ୍ତୁ ଦଳର ଖରାପ ପ୍ରଦର୍ଶନ ପରେ ଗେଲଙ୍କୁ ପୁଣିଥରେ ସୁଯୋଗ ଦିଆଯାଇଛି। ଗେଲଙ୍କ ସହ ସାମୁଏଲସ ଓ ଜର୍ମି ଟେଲରଙ୍କୁ ମଧ୍ୟ ୧୫ଜଣିଆ ୱେଷ୍ଟଇଣ୍ଡିଜ ଦଳରେ ସାମିଲ କରାଯାଇଛି। ବୁଧବାର ଆୟର୍ଲାଣ୍ଡ ବିପକ୍ଷରେ ୱେଷ୍ଟଇଣ୍ଡିଜ ପ୍ରଥମ ମ୍ୟାଚ ଖେଳିବ। ଗେଲ ଓ ସାମୁଏଲଙ୍କ ସାମିଲ ଦ୍ୱାରା ଦଳର ବ୍ୟାଟିଂ ଶକ୍ତିଶାଳୀ ହେବ ବୋଲି ବୋର୍ଡ ପକ୍ଷରୁ କୁହାଯାଇଛି। ବିଶ୍ୱକପରେ ସିଧାସଳଖ ସ୍ଥାନ ପକ୍କା କରିବାକୁ ହେଲେ ୱେଷ୍ଟଇଣ୍ଡିଜ ଟିମ ଆୟର୍ଲାଣ୍ଡ ବିପକ୍ଷରେ ସମସ୍ତ ମ୍ୟାଚ୍‌ ବିଜୟ ସହ ଇଂଲଣ୍ଡ ବିପକ୍ଷରେ ୪ଟି ମ୍ୟାଚ ଜିତିବାକୁ ପଡିବ। ନଚେତ ବିଶ୍ୱକପରେ ଭାଗ ନେବା ପାଇଁ ଦଳକୁ ଯୋଗ୍ୟତା ପର୍ଯ୍ୟାୟ ମ୍ୟାଚ ଖେଳିବାକୁ ପଡିବ।

Previous ArticleNext Article

Send this to a friend