ବାଲେଶ୍ୱର: ଆନ୍ତଃମହାଦେଶୀୟ ବାଲିଷ୍ଟିକ୍ କ୍ଷେପଣାସ୍ତ୍ର ଅଗ୍ନି-୫ର ଶେଷ ଡେଭଲପ୍ମେଣ୍ଟାଲ୍ ପରୀକ୍ଷଣ ଆଜି କରାଯାଇଛି। ଚାନ୍ଦିପୁର କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର ଡକ୍ଟର ଏ.ପି.ଜେ ଅବଦୁଲ କଲାମ ଦ୍ୱୀପର ୪ ନମ୍ବର ଲଞ୍ଚପ୍ୟାଡ୍ରୁ ସକାଳ ୧୧ଟା ୫ରେ ଏହାକୁ ଉତ୍କ୍ଷେପଣ କରାଯାଇଥିଲା।
ଅଗ୍ନି-୫ ଭୂପୃଷ୍ଠରୁ ଭୂପୃଷ୍ଠକୁ ୫୦୦୦ କିଲୋମିଟରରୁ ଅଧିକ ଦୂରତା ପର୍ଯ୍ୟନ୍ତ ଲକ୍ଷ୍ୟ ଭେଦ କରିପାରିବ। ସମଗ୍ର ଏସିଆ ମହାଦେଶ ସମେତ ଆଫ୍ରିକା ଓ ୟୁରୋପର କିଛି ଅଂଶକୁ ଟାର୍ଗେଟ କରିବା ପାଇଁ ଏହାର କ୍ଷମତା ରହିଛି।
ଅଗ୍ନି-୫ର ଲମ୍ବ ୧୭.୫ ମିଟର ହୋଇଥିବା ବେଳେ ମୋଟେଇ ୨ ମିଟର। ଏହା ୧,୫୦୦ କିଲୋଗ୍ରାମ ପର୍ଯ୍ୟନ୍ତ ପାରମ୍ପାରିକ ଓ ପରମାଣୁ ଅସ୍ତ୍ର ବହନ କରିନେବାର କ୍ଷମତା ରଖେ।
ଅଗ୍ନି-୫ର ପ୍ରଥମ ପରୀକ୍ଷଣ ୨୦୧୨ ଏପ୍ରିଲ୍ ୧୯ ତାରିଖରେ କରାଯାଇଥିଲା। ଏହାର ଦ୍ୱିତୀୟ ପରୀକ୍ଷଣ ୨୦୧୩ ସେପ୍ଟେମ୍ବର ୧୫ ତାରିଖରେ କରାଯାଇଥିବା ବେଳେ ୨୦୧୫ ଜାନୁଆରୀ ୩୧ ତାରିଖରେ କରାଯାଇଥିଲା ତୃତୀୟ ପରୀକ୍ଷଣ। ସବୁତକ ପରୀକ୍ଷଣ ଚାନ୍ଦିପୁରରେ ହିଁ କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
