କୋଟିପତି ଆରଆଇଙ୍କ ଘରେ ଭିଜିଲାନ୍ସ ଚଢ଼ାଉ

vigilance

ବାଲେଶ୍ୱର: ବାଲେଶ୍ୱର ଜିଲ୍ଲା ରେମୁଣା ତହସିଲ କ୍ଷୀରଚୋରା ଆରଆଇ ଅଗସ୍ତି ପଟ୍ଟନାୟକଙ୍କ ଘରେ ଆଜି ଭିଜିଲାନ୍ସ ବିଭାଗ ପକ୍ଷରୁ ଚଢାଉ କରାଯାଇଛି। ଆୟ ବହିର୍ଭୁତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଅଧିକାରୀମାନେ ବାଲେଶ୍ୱରରେ ଥିବା ତାଙ୍କର ୨ଟି ଘର, ଶ୍ୱଶୁର ଘର ସମେତ ୫ଟି ସ୍ଥାନରେ ଏକକାଳୀନ ଚଢାଉ କରିଛନ୍ତି।

ଅଗସ୍ତିଙ୍କ କୋଟି କୋଟି ଟଙ୍କାର ସ୍ଥାବର, ଅସ୍ଥାବର ସମ୍ପତ୍ତି ଠାବ ହୋଇଛି। ବାଲେଶ୍ୱରର ପଢୁଆଁପଦା ଘରର ମୂଲ୍ୟ ୯୦ ଲକ୍ଷ ଟଙ୍କା ଆକଳନ କରାଯାଇଛି। ସ୍ଥାବର , ଅସ୍ଥାବର ସମ୍ପତ୍ତିକୁ ମିଶାଇ ମୋଟ ଦେଢ କୋଟି ଟଙ୍କାର ସମ୍ପତ୍ତି ଠାବ କରାଯାଇଛି। ଚଢାଉ ଜାରି ରହିଥିବାରୁ ସମ୍ପତ୍ତିର ପରିମାଣ ଆହୁରି ବଢିବ ବୋଲି ଭିଜିଲାନ୍ସ ଏସ୍‌ପି ସୁନୀଲ କୁମାର ସେନାପତି କହିଛନ୍ତି।

ଅଗସ୍ତି ରହୁଥିବା ପଢୁଆଁପଦାର ୨ ମହଲା ଘର, ନିଳିଆବଗରେ ଭଡା ଦିଆଯାଇଥିବା ଘର, ଭୋଗରାଇ ବ୍ଲକ ଦେଉଳହାଟରେ ଥିବା ଶ୍ୱଶୁର ଘର, ଅଲାଲବିନ୍ଧାରେ ଥିବା ପୈତୃକ ଘର ଓ ଆରଆଇ ଅଫିସ୍‌ରେ ଚଢାଉ ଜାରି ରହିଛି।

Previous ArticleNext Article

Send this to a friend