ମାର୍‌ ମାର୍‌.. କ୍ୟାମରାରେ ମସ୍ତ ଲାଗୁଛୁ… ଝିଅଙ୍କ ସହ କେମିତି ଖେଳୁଛୁ ଦେଖିବା…

ଭୁବନେଶ୍ୱର: ଭୁବନେଶ୍ୱର ଭାଇରାଲ୍‌ ଭିଡିଓର ପାର୍ଟ-୨ ସାମ୍ନାକୁ ଆସିଛି। ୨ ମିନିଟ୍‌ ୪୫ ସେକେଣ୍ଡର ଏହି ଭିଡିଓରେ ମାଡ଼ ଖାଇଥିବା ଯୁବକ କମଲ କୁମାର ଅଗ୍ରୱାଲଙ୍କୁ ଧଳା ସାର୍ଟ ପିନ୍ଧିଥିବା ଜଣେ ଯୁବକ ଓ କଳା ଟି-ସାର୍ଟ ପିନ୍ଧିଥିବା ଜଣେ ଯୁବତୀ ମାଡ଼ ମାରୁଛନ୍ତି। ମାଡ଼ ମାରିବା ବେଳେ ଅଶ୍ଲୀଳ ଭାଷାରେ ଗାଳି ମଧ୍ୟ ଦେଉଛନ୍ତି। ଏପରିକି ଭିଡିଓ ରେକର୍ଡିଂ କରୁଥିବା ଜଣେ ଯୁବତୀ ମଧ୍ୟ ଅଶ୍ଲୀଳ ଭାଷାରେ ଗାଳି ଦେଉଥିବା ଶୁଣିବାକୁ ମିଳୁଛି। ମାଡ଼ ମାରିଥିବା ବେଳେ ଯୁବତୀ ଜଣକ କହୁଥିଲେ ମାରମାର… କ୍ୟାମରାରେ ମସ୍ତ ଓ କ୍ୱୁଟ୍‌ ଲାଗୁଛୁ.. ଝିଅମାନଙ୍କ ସହିତ କେମିତି ଖେଳୁଛି ଦେଖିବା। ତୁ ମରିଯାଆ, ମରିଗଲେ କେହି ତୋ’ପାଇଁ କାନ୍ଦିବେ ନାହିଁ ବୋଲି ଯୁବତୀ ଜଣକ କହୁଥିଲେ।

ଆଜି ଭାଇରାଲ ହୋଇଥିବା ଭିଡିଓ ପାର୍ଟ-୨

ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ୪୫ ମିନିଟ୍‌ର ଭିଡିଓକୁ ଏଡିଟ୍‌ କରି କେବଳ କମଲଙ୍କୁ ମାଡ଼ ମରାଯାଉଥିବା ଭିଡିଓକୁ ପ୍ରଥମେ ଭାଇରାଲ କରାଯାଇଥିଲା। ଯେଉଁଥିରେ ମାଡ଼ ମାରିଥିବା ଯୁବକଙ୍କ ଫଟୋ ନଥିଲା। ଆଜି ସେହି ଭିଡିଓ ସୋସିଆଲ ମିଡ଼ିଆରେ ଘୂରି ବୁଲୁଛି, ସେଥିରେ ମାଡ଼ ମାରୁଥିବା ଯୁବକଙ୍କ ଫଟୋ ରହିଛି। ଯାହା ରାଜଧାନୀର ବୁଦ୍ଧିଜୀବୀଙ୍କୁ ଆଶ୍ଚର୍ଯ୍ୟ ଚକିତ କରିଛି। ଜଣେ ଭୁଲ କଲେ ଦଣ୍ଡବିଧାନ କରିବା ପାଇଁ କୋର୍ଟ ଓ ପୋଲିସ ରହିଛି। ମାତ୍ର ଦଣ୍ଡ ଦେବା ପାଇଁ ଏମାନଙ୍କୁ ଅଧିକାର ଦେଲା କିଏ?

ଏହା ଭିତରେ ଗତକାଲି କମଲ କୁମାର ଅଗ୍ରୱାଲ ଏନେଇ ସମ୍ପୃକ୍ତ ଦୁଇ ଯୁବତୀ ଓ ଭିଡ଼ିଓ ରେକଡିଂ କରୁଥିବା ଯୁବକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଭୁବନେଶ୍ୱର ଏସ୍‌ଡିଜେଏମ୍‌ଙ୍କ କୋର୍ଟରେ ମାମଲା ରୁଜୁ କରୁଥିଲେ। ହେଲେ ଘଟଣା ଘଟିବାର ଦୁଇ ଦିନ ବିତିଯାଇଥିଲେ ମଧ୍ୟ ମାଡ଼ ମାରିଥିବା ଦୁଇ ଯୁବତୀ ଓ ଯୁବକ ସମ୍ନାକୁ ଆସିନାହାନ୍ତି। ଅନ୍ୟପକ୍ଷରେ କମଲଙ୍କ ପାଖରେ ମାଡ଼ ମାରି ଛଡ଼ାଇ ନେଇଥିବା ମୋବାଇଲ ଓ ପର୍ସ ଫେରାଇବାକୁ ଚଷ୍ଟା କରାଯାଉଛି। ତେବେ ଏଠି ପ୍ରଶ୍ନ ଉଠୁଛି ମାଡ଼ ମାରିଥିବା ଯୁବତୀମାନେ ରଚିଥିବା ଏହି ନାଟକରେ ଅନ୍ୟ କେହି ସାମିଲ ଅଛିକି?

ଗତକାଲି ଭାଇରାଲ  ହୋଇଥିବା ଭିଡିଓ ପାର୍ଟ-୧

କମଲ କୁମାର ଅଗ୍ରୱାଲଙ୍କ ଘର ନୂଆପଡ଼ା ଜିଲ୍ଲାରେ। ସେ ଏଠାରେ ଏକ କମ୍ପାନୀରେ ଚାକିରି କରନ୍ତି। ବିବାହ ମଧ୍ୟ କରିଥିଲେ। ଏହା ସତ୍ତ୍ୱେ ରାଜଧାନୀରେ ଜଣେ ଯୁବତୀଙ୍କୁ ଭଲ ପାଉଥିଲେ। ଦୀର୍ଘ ଏକ ବର୍ଷ ଧରି ଚାଲିଥିଲା ପ୍ରେମ ସମ୍ପର୍କ। କମଲ ବିବାହିତ ଜାଣିଥିବା ସତ୍ତ୍ୱେ ତାଙ୍କୁ ପ୍ରେମ କରୁଥିଲେ ଯୁବତୀ ଜଣକ। ପରେ ଯୁବତୀ ଜଣକ ବିବାହ କରିବାକୁ ଜିଦ୍‌ ଧରି ବସିଥିଲେ। ନିଜ ପତ୍ନୀଙ୍କ ସହିତ ଛାଡ଼ପତ୍ର ନହେବା ପର୍ଯ୍ୟନ୍ତ ବିବାହ କରିପାରିବେ ନାହିଁ ବୋଲି ଗତକାଲି କମଲ କହିଥିଲେ। ତେବେ ଏଥିରେ ଉତ୍‌କ୍ଷିପ୍ତ ହୋଇ ଯୁବତୀ ଜଣକ ତାଙ୍କ ସାଙ୍ଗ(ଜଣେ ଯୁବତୀ ଓ ପୁରୁଷ)ଙ୍କ ସହିତ ମିଶି ଏପରି ନାଟକ ରଚିଥିଲେ। ପାର୍କକୁ ଡାକି ଦୁଇ ଜଣ ଯୁବତୀ ମାଡ଼ ମାରିଥିଲେ। ଏହି ସମୟରେ ସେମାନଙ୍କ ଜଣେ ପୁରୁଷ ସାଙ୍ଗ ଭିଡିଓ ରେକଡିଂ କରି ଭାଇରାଲ କରିଥିବା କମଲ ତଲାରେ ଦର୍ଶାଇଲେ।

Previous ArticleNext Article

Send this to a friend