‘କଂଗ୍ରେସରେ ବାପାଙ୍କୁ ନିର୍ଯାତନା ଦିଆଯାଉଥିଲା’: ଗୁମର ଖୋଲିଲେ ଲୁଲୁଙ୍କ ଝିଅ

ଭୁବନେଶ୍ୱର (ଓଡ଼ିଶା ରିପୋର୍ଟର): ୨୦୧୬ ଏପ୍ରିଲରୁ ମୃତ୍ୟୁ ପର୍ଯ୍ୟନ୍ତ ବାପା (ଲଲାଟେନ୍ଦୁ ବିଦ୍ୟାଧର ମହାପାତ୍ର ଓରଫ ଲୁଲୁ) ଚୁପ୍‌ ରହୁଥିଲେ। କୌଣସି କାର୍ଯ୍ୟକ୍ରମକୁ ଯାଉନଥିଲେ। କାରଣ ସେତେବେଳେ ଦଳ ଭିତରେ ତାଙ୍କୁ ନିର୍ଯାତନା ଦିଆଯାଉଥିଲା। ଯାହାକୁ ଅନେକ ଲୋକ ଦେଖିନାହାନ୍ତି। ଆଜି ଏପରି ଢ଼ଙ୍ଗରେ କଂଗ୍ରେସକୁ ସମାଲୋଚନା କରିଛନ୍ତି ଲଲାଟେନ୍ଦୁ ବିଦ୍ୟାଧର ମହାପାତ୍ରଙ୍କ ଝିଅ ଉପାସନ।

ସେ କହିଛନ୍ତି-“କଂଗ୍ରେସରେ ବାପାଙ୍କୁ ଅବହେଳା କରାଯାଉଥିଲା। ଏକଥା ଖାଲି ଆମେ କହୁନୁ। ଗତ ନଭେମ୍ୱରରେ କଂଗ୍ରେସ ବିଧାୟକ ତାରା ପ୍ରସାଦ ବାହିନୀପତି କହିଥିଲେ। ତାଙ୍କର ଏହି ଷ୍ଟେଟ୍‌ମେଣ୍ଟ୍‌ ଆମକୁ ସାହସ ଦେଇଥିଲା। ତା’ପରେ ଆମେ କଂଗ୍ରେସ ଛାଡ଼ିବା ପାଇଁ ନିଷ୍ପତ୍ତି ନେଇଥିଲୁ।”

ଲୁଲୁ ସେନା ବିଜେପିରେ ସାମିଲ ହେବାକୁ ନେଇ ଉପାସନା କହିଛନ୍ତି-“ଦଳ କଥା କହିଲେ ବାପା ସବୁବେଳେ ବିଗୁଡ଼ୁ ଥିଲେ। ଦଳକୁ ଗୋଟିଏ ପରିବାର ବୋଲି ବାପା ଭାବୁଥିଲେ। ମୋର ମନେ ଅଛି- ବାପାଙ୍କ ଦେହାନ୍ତର କିଛିଦିନ ପରେ ବିଜେପିର ଜଣେ ନେତା ଆମ ଘରକୁ ଆସି ପରାମର୍ଶ ଦେଇଥିଲେ ଦଳ ପରିବର୍ତ୍ତନ କଲେ ଜଣାପଡ଼ିଯିବ କିଏ ଲୁଲୁଙ୍କୁ ଭଲ ପାଉଛନ୍ତି ଓ କିଏ ଦଳକୁ ଭଲ ପାଉଛି। ଯେଉଁମାନେ ବିଶ୍ୱାସ କରୁଛନ୍ତି ଯେ, ବାପା କଂଗ୍ରେସରେ ନିର୍ଯାତିତ ହୋଇଥିଲେ ସେମାନେ ଆମ ସହିତ ଅଛନ୍ତି।”

ବାପା ବଞ୍ଚିଥିବା ବେଳେ ତାଙ୍କ ସହିତ ମୁଁ ଥିଲି ଓ ନିର୍ବାଚନ ପ୍ରଚାର କରୁଥିଲି। ଏବେ ବାପା ନାହାନ୍ତି। ୨୦୧୯ରେ ନିର୍ବାଚନ ତାଙ୍କ (ଲୁଲୁ) ସମ୍ମାନର ଲଢ଼େଇ ହେବ। ଏଥର ଡବଲ୍‌ ଏନର୍ଜୀ ନେଇ ମଇଦାନକୁ ଉହ୍ଲାଇବି।”

ସେ ଆହୁରି କହିଛନ୍ତି-“ବିଜେପିର ହର୍‌ହର୍‌ ମୋଦି ଘରଘର ମୋଦି ଶ୍ଲୋଗାନ୍‌ ମୋତେ ଭଲ ଲାଗିଥିଲା। ୨୦୧୪ ନିର୍ବାଚନ ପ୍ରଚାର ବେଳେ ମୁଁ ସବୁବେଳେ ବାପାଙ୍କ କାନରେ କହୁଥିଲି-ବାପା ହର୍‌ହର୍‌ ମୋଦି ଘର୍‌ଘର୍‌ ମୋଦି। ବାପା ମୋତେ ଅନାଇ ହସି ଦେଉଥିଲେ।”

ତାରା ବାହିନୀପତି କହିଛନ୍ତି-“ଲୁଲୁଙ୍କ ଦେହାନ୍ତ ପରେ ତାଙ୍କ ପରିବାର ଦଳ ପରିବର୍ତ୍ତନ କରିବା ଅତି ଦୁର୍ଭାଗ୍ୟଜନକ। ଲୁଲୁର ଝିଅ ମୋର ଝିଅ। ମୁଁ ତାଙ୍କୁ କେବେବି କହିନି କଂଗ୍ରେସ ଛାଡ଼ି ଅନ୍ୟ ଦଳରେ ମିଶିବା ପାଇଁ। ଯଦି ସେ (ଉପାସନା) କହିଛନ୍ତି ବାହିନୀପତି ଅଙ୍କଲ କହିବାରୁ ଦଳ ଛାଡ଼ିବାକୁ ଯାଉଛି, ତାହା ମନଗଢ଼ା କଥା।”

 

Previous ArticleNext Article

Leave a Reply

Your email address will not be published. Required fields are marked *

Send this to a friend