ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ(ଓଡ଼ିଶା ରିପୋର୍ଟର): ଭାଇବୋହୂ ଓ ଦେଢ଼ଶୁର ସମ୍ପର୍କକୁ ଆମ ପରିବାର ଗୁଡ଼ିକରେ ଖୁବ୍‌ ପବିତ୍ର ଏବଂ ସମ୍ମାନର ସହ ଦେଖାଯାଏ। ଦେଢ଼ଶୂର ଥିବା ଜାଗାକୁ ଭାଇବୋହୂ ଯାଆନ୍ତି ନାହିଁ। ପରସ୍ପର ସହ ସିଧା ସଳଖ କଥା ନହେବାର ପରମ୍ପରା ମଧ୍ୟ ରହିଛି। କିନ୍ତୁ କଟକରେ ଘଟିଥିବା ଏକ ଅଘଟଣ ଏ ସମ୍ପର୍କରେ ପ୍ରଶ୍ନବାଚୀ ଲଗାଇ ଦେଇଛି।</p> <p>ଜଗତସିଂହପୁର ଜିଲ୍ଲା ନିମଳକୋଠି ଗାଁର ମାନସୀ ମୁଦୁଲିଙ୍କୁ ଏରସମା ଅଞ୍ଚଳର ପ୍ରବୀଣ ବାରିକ ବିବାହ କରିଥିଲେ। ଧୂମ୍‌ଧାମରେ ହୋଇଥିଲା ବିବାହ। ବାହାଘର ପରେ ମାନସୀ ଓ ପ୍ରବୀଣ କଟକ ଆସିଥିଲେ। ଉଭୟ କଟକରେ ଏକ ଲଜ୍‌ରେ ୪ ଦିନ ହେଲା ରହିଥିଲେ। ଆଜି ଅପରାହ୍ନରେ ପ୍ରବୀଣଙ୍କ ବଡ଼ ଭାଇ ବିଶ୍ୱମ୍ଭର ଲଜରେ ପହଞ୍ଚି ଭାଇବୋହୂ ମାନସୀଙ୍କୁ ଛୁରା ମାଡ଼ କରିଥିଲେ। ଫଳରେ ମାନସୀଙ୍କ ଛାତି ଓ ମୁଣ୍ଡରେ ଗଭୀର କ୍ଷତ ସୃଷ୍ଟି ହୋଇଛି। ତାଙ୍କୁ ବଡ଼ ମେଡ଼ିକାଲର ଆଶୁ ଚିକିତ୍ସା ବିଭାଗରେ ଭର୍ତ୍ତି କରାଯାଇଛି। ଏବେ ମଧ୍ୟ ତାଙ୍କ ସ୍ୱାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଛି। ଏନେଇ ଅଭିଯୋଗ ହେବା ପରେ ପୋଲିସ ମାମଲା ରୁଜୁ ଉଭୟ ପ୍ରବୀର ଓ ବିଶ୍ୱମ୍ଭରଙ୍କୁ ଅଟକ ରଖି ପଚରାଉଚରା ଚଳାଇଛି।</p> <p>ପୋଲିସ ଅନୁମାନ କରୁଛି, ବିବାହ ପୂର୍ବରୁ ମାନସୀଙ୍କୁ ବିଶ୍ୱମ୍ଭର ଭଲ ପାଉଥିଲେ। ମାତ୍ର ମାନସାନ ଭାଇ ପ୍ରବୀଣ ତାଙ୍କୁ ବିବାହ କରିଥିଲେ। ତେବେ ଏହି ରାଗରେ ବିଶ୍ୱମ୍ଭର ଛୁରା ମାଡ଼ କରିଥିବା ପୋଲିସ ସନ୍ଦେହ କରୁଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
