ବିଲକୁ ଯାଉଯାଉ ସାପ ଦେଖିଲେ, କାମୁଡିଦେବା ଭୟରେ କାମୁଡି ଦେଲେ

sapa

ନୂଆଦିଲ୍ଲୀ(ଓଡିଶା ରିପୋର୍ଟର): ସାପ କାମୁଡାରେ ମହିଳା ମୃତ, ଶିଶୁ ମୃତ ଏମିତି ପଶୁପକ୍ଷୀ ମରିଯିବା ଭଳି ଖବର ଆପଣ ପଢିଥିବେ। ଖବର କାଗଜ ହେଉ ଅଥବା ଅନ୍ୟକୌଣସି ଗଣମାଧ୍ୟମରେ ଏଭଳି ଖବର ସାଧାରଣ କଥା। ହେଲେ ଆମେ ଅପଣଙ୍କୁ ଆଜି ଏକ ଅଜବ ଖବର ବିଷୟରେ କହିବାକୁ ଯାଉଛୁ। ଜାଣିଛନ୍ତି, ଏଥର ସାପ କାହାକୁ କାମୁଡିନି, ହେଲେ ସାପକୁ ଜଣେ ଯୁବକ କାମୁଡି ଦେଇଛନ୍ତି। ଆଉ ଏହି ଅଘଟଣରେ ନିରୀହ ସାପର ପ୍ରାଣ ଚାଲି ଯାଇଛି।

ଭାବୁଥିବେ ଆମେ ଗପ କହୁଛୁ। ଜମା ନୁହେଁ ଆଜ୍ଞା। ଏଇଟା ଗପ ନୁହେଁ ଖାଣ୍ଟି ସତ ଖବର। ଭାବୁଥିବେ ଏତେ ହିଂସ୍ର ସାପଟି କେମିତି ଗୋଟେ ନିରୀହ ମଣିଷର ଚୋଟରେ ମରିଗଲା, ହେଲ କେମିତି ? ତା ହେଲେ ପଢନ୍ତୁ ପୁରା ଘଟଣା କ’ଣ ଥିଲା ସେଦିନ।

ମଧ୍ୟପ୍ରଦେଶର ମୁରୈନା ଅଞ୍ଚଳରେ ଘଟିଛି ଏହି ଘଟଣା। ଗ୍ରାମର ଜାଲିମ ସିଂହ କୁଶାଭାଓ ସବୁଦିନ ପରି ବିଲକୁ ଯାଉଥିବା ବେଳେ ଶୁକ୍ରବାର ବିଲ ମଝାମଝି ଏକ ସାପ ଦେଖିଥିଲେ। ଏହାକୁ ଦେଖି  ସେ ଡରିଯାଇଥିଲେ। ସାପ କାଳେ ତାଙ୍କୁ କାମୁଡିଦେବ ଭାବି ସେ ସାପକୁ ଧରିଆଣି ନିଜେ କାମୁଡି ଦେଇଥିଲେ।  ଘଟଣାସ୍ଥଳରେ ସାପର ମୃତ୍ୟୁ ଘଟିଥିଲା। ଏହାପରେ ଜାଲିମ ଚେତାଶୂନ୍ୟ ହୋଇ ପଡିଥିଲେ। ତାଙ୍କୁ ତୁରନ୍ତ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

ଡାକ୍ତର କହିଥିଲେ ଜାଲିମ ସମ୍ପୁର୍ଣ୍ଣ ସୁସ୍ଥ ଅଛନ୍ତି। ସାପକୁ କାମୁଡିବା ଦ୍ୱାରା ତାଙ୍କ ଶରୀର ପ୍ରଭାବିତ ହୋଇନାହିଁ। ଏଣେ ଅତ୍ୟଧିକ ମଦ୍ୟପାନ ଯୋଗୁ ଜାଲିମଙ୍କ ଶରୀର ବିଶାକ୍ତ ହୋଇପଡିଛି ଯେଉଁଥିପାଇଁ ସାପର ପ୍ରାଣ ଛାଡିଗଲା ବୋଲି ସେ ଅନୁମାନ କରୁଥିବା କହିଛନ୍ତି।

 

 

Previous ArticleNext Article

Send this to a friend