୮ ବର୍ଷ ତଳେ ହଜି ଯାଇଥିଲେ ସୀମା, ଏବେ ୮ବର୍ଷ ପରେ…

bro-sis

ଭୁବନେଶ୍ୱର(ଓଡ଼ିଶା ରିପୋର୍ଟର): ୮ ବର୍ଷ ପରେ ହଜିଲା ଭଉଣୀକୁ ପାଖରେ ପାଇଛି ଭାଇ। ଏତେ ଦିନ ପରେ ନିଜ ଅଲିଅଳି ଭଉଣୀକୁ ପାଇ ଯେତିକି ଖୁସି, ଭାଇକୁ ଆଖି ସାମ୍ନାରେ ଦେଖି ତା’ଠୁ ଅଧିକ ଆତ୍ମହରା ଭଉଣୀ। ଏ ଦୃଶ୍ୟ ଦେଖିବାକୁ ମିଳିଛି ଖୋର୍ଦ୍ଧା ସହରରେ ଥିବା ସାମାଜିକ ଅନୁଷ୍ଠାନ ଉଜାଲା ପରିସରରେ।

୮ବର୍ଷ ତଳେ ବିହାରର ରଜନୀଚୌକ ଅଞ୍ଚଳରୁ ଜଣେ ମହିଳା ନିଖୋଜ ହୋଇଯାଇଥିଲେ । ସ୍ୱାମୀଙ୍କ ନିର୍ଯାତନା ସହି ନପାରି ଶେଷରେ ପାଗଳି ହୋଇ କେଉଁ‌ଆଡେ ଗଲେ ଯେ ଆଉ ଫେରି ନ ଥିଲେ। ମହିଳାଙ୍କୁ ତାଙ୍କ ସ୍ୱାମୀ ସିନା ଭୁଲିଯାଇଥିଲେ, ହେଲେ ତାଙ୍କ ସ୍ନେହର ଭାଇ କିନ୍ତୁ ଭୁଲି ନ ଥିଲେ। କିନ୍ତୁ ଭଉଣୀକୁ  ସବୁଦିନ ଖୋଜୁଥିଲେ। ଆଉ ଶେଷରେ ୮ବର୍ଷ ପରେ ଖୋର୍ଦ୍ଧାର ଏକ ସାମାଜିକ ଅନୁଷ୍ଠାନ ଉଜାଲାରେ ନିଜ ଭଉଣୀ ଥିବା ଖବର ପାଇବା ପରେ ଚାଲି ଆସିଥିଲେ ଓଡ଼ିଶା।

ପ୍ରାୟ ୮ ବର୍ଷ ତଳେ ମାନସିକ ବିକାରଗ୍ରସ୍ତ ହୋଇଯାଇଥିବା ସୀମା ନିଜ ଅଜାଣତରେ ଟ୍ରେନରେ ଜଟଣୀ ଷ୍ଟେସନ ଚାଲି ଆସିଥିଲେ। ଷ୍ଟେସନରେ ମିଶ୍ରନ ଆଶ୍ରାକର୍ତ୍ତୃପକ୍ଷ ତାଙ୍କୁ ଦେଖିଥିଲେ । ପରେ ସେଠାରୁ ଉଦ୍ଧାର କରି ନେଇଥିଲେ, ସୀମାଙ୍କର ଚିକିତ୍ସା କରିଥିଲେ। ପରେ ସୀମା ସମ୍ପୂର୍ଣ୍ଣ ନିରୋଗ ହେବା ପରେ ତାଙ୍କୁ ଉଜଲାକୁ ପଠାଇ ଦିଆ ଯାଇଥିଲା। ସେଠାରେ ସୀମା ପାଲଟି ଯାଇଥିଲେ ସ୍ଥାୟୀ ଅନ୍ତେବାସୀ। ସୀମା ଅଣ ଓଡ଼ିଆ ହୋଇଥିଲେ ବି ଏଇ ୮ ବର୍ଷର ରହଣୀ ଭିତରେ ଓଡ଼ିଆ ଭାଷା ଓ ଚାଲି ଚଳଣୀକୁ ବେଶ୍ ଆପଣାଇ ନେଇଥିଲେ। ଉଜାଲାରେ ସେ ପାଲଟି ଯାଇଥିଲେ ସମସ୍ତଙ୍କ ପ୍ରିୟ ରୋଷେୟା।

ସୀମା ସୁସ୍ଥ ହେବା ପରେ ତାଙ୍କ ପରିବାର ସହ ଯୋଗାଯୋଗ କରିଥିଲେ ମିଶନ ଆଶ୍ରା କର୍ତ୍ତୃପକ୍ଷ। ଭଉଣୀକୁ ବର୍ଷ ବର୍ଷ ଧରି ଖୋଜୁଥିବା ଭାଇ ସୂଚନା ପାଇବା ମାତ୍ରେ ବିହାରରୁ ଧାଇଁ ଆସିଥିଲେ ଖୋର୍ଦ୍ଧା।

ସୀମାଙ୍କ ଭାଇ ମନୋଜ ଶର୍ମା କହିଛନ୍ତି,- ମୁଁ ମୋ ଉଭଣୀକୁ ଏଠାରୁ ନେଇଯିବି। ମୁଁ ତାକୁ ବହୁତ ଖୁସିରେ ରଖିବି।”

 

Previous ArticleNext Article

Send this to a friend