ଉତ୍ସବ ମୁଖର ପୂରା ପଶ୍ଚିମ ଓଡ଼ିଶା: ମା’ ସମଲେଶ୍ୱରୀଙ୍କ ଠାରେ ଲାଗି ହେଲା ନବାନ୍ନ

nn

ସମ୍ବଲପୁର: ଗଣପର୍ବ ନୂଆଖାଇକୁ ନେଇ ସାରା ପଶ୍ଚିମ ଓଡ଼ିଶା ଉତ୍ସବମୁଖର। ସମ୍ବଲପୁରର ଅଧିଷ୍ଠାତ୍ରୀ ଦେବୀ ମାଆ ସମଲେଶ୍ୱୀରଙ୍କ ପାଖରେ ନିର୍ଦ୍ଧାରିତ ସମୟରେ ନବାନ୍ନ ଲାଗି ହୋଇଛି। ମାଆଙ୍କ ପାଖରେ ନବାନ୍ନ ଲାଗି ପରେ ଲୋକେ ନୂଆ ଖାଉଛନ୍ତି। ଏଥିପାଇଁ ଘରେ ଘରେ ପିଠାପଣା ଆଦି ହୋଇଛି।ଖିଆପିଆ ସାଙ୍ଗକୁ ନାଚଗୀତରେ ଦୁଲୁକୁଛି ଗାଁରୁ ସହର। ଘରେ ଘରେ ପରିବାରର ସମସ୍ତ ସଦସ୍ୟ ଏକାଠି ହୋଇ ନୂଆଖାଇ ପାଳୁଛନ୍ତି। ବିଭିନ୍ନ ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମମାନ ଆୟୋଜନ କରାଯାଇଛି।

ବଲାଙ୍ଗିରରେ ମାଆ ସମଲେଶ୍ୱରୀ ଓ ପାଟଣାଗଡ଼ର ପାଟଣେଶ୍ୱରୀ ପୀଠରେ ୯ଟା ୩୫ରୁ ୧୧ଟା ୩୧ ମଧ୍ୟରେ ନବାନ୍ନ ଲାଗି ପାଇଁ ସମୟ ଧାର୍ଯ୍ୟ  କରାଯାଇଛି।

ନୂଆଖାଇ ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି। ସେ ସମ୍ବଲପୁରୀ ଭାଷାରେ ଟ୍ୱିଟ୍ କରି ଶୁଭେଚ୍ଛା ଜଣାଇଛନ୍ତି। ସେ ଲେଖିଛନ୍ତି,“ନୂଆ ଧାନ୍‌ ସାଙ୍ଗେ ନୂଆ ଆଶା, ଉସତ୍ ଆର୍ ଭାଇଚାରାରେ ପାଳନ କରୁନ୍ ନୂଆଁଖାଇ। ଇ ଉପଲକ୍ଷେ ସମସ୍ତଙ୍କୁ ମୋର ନୂଆଁଖାଇ ଜୁହାର।”

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଟ୍ୱିଟ୍‌ କରି ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ଏବଂ ସମସ୍ତଙ୍କ ସୁଖ ଓ ସମୃଦ୍ଧି କାମନା କରିଛନ୍ତି।

 

Previous ArticleNext Article

Send this to a friend