ସ୍ୱାଇନ୍‌ ଫ୍ଲୁ ନେଲା ଆଉ ଦୁଇ ଜୀବନ: ମୃତ୍ୟୁ ସଂଖ୍ୟା ୪୦ ଛୁଇଁଲା

swine

ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟରେ ବେକାବୁ ହେବାରେ ଲାଗିଛି ସ୍ୱାଇନ୍ ଫ୍ଲୁ। ଆଜି ଆଉ ଦୁଇ ଜଣଙ୍କ ଜୀବନ ନେଇଛି। ଚିକିତ୍ସାଧୀନ ଅବସ୍ଥାରେ ଭୁବନେଶ୍ୱର କଳିଙ୍ଗ ହସ୍ପିଟାଲ୍ ଓ ସନ୍‌ସାଇନ୍ ହସ୍ପିଟାଲରେ ଦୁଇ ଜଣଙ୍କ ମୃତ୍ୟୁ ଘଟିଛି। ଏଥି ସହ ରାଜ୍ୟରେ ସ୍ୱାଇନ୍ ଫ୍ଲୁ ଜନିତ ମୃତ୍ୟୁ ସଂଖ୍ୟା ୪୦କୁ ବୃଦ୍ଧି ପାଇଛି। ସେହିପରି ଏବେ ସୁଦ୍ଧା ଏହି ରୋଗରେ ୩୫୫ ଜଣ ଆକ୍ରାନ୍ତ ହୋଇଛନ୍ତି। ଆଜି ପରୀକ୍ଷା ହୋଇଥିବା ୩୦ଟି ସାମ୍ପୁଲରୁ ୫ଟି ପଜିଟିଭ୍ ଥିବା ଜଣାପଡ଼ିଛି।

ସ୍ୱାଇନ୍‌ ଫ୍ଲୁର ମୁକାବିଲା ପାଇଁ ରାଜ୍ୟ ସରକାର ବ୍ୟାପକ ସଚେତନତା କରୁଛନ୍ତି। ଏପରିକି ଜିଲ୍ଲା ସଦର ମହକୁମା, ମେଡ଼ିକାଲ କଲେଜ ଗୁଡ଼ିକରେ ସ୍ୱତନ୍ତ୍ର ବ୍ୟବସ୍ଥା କରାଯାଇଛି। ରୋଗକୁ ନିୟନ୍ତ୍ରଣ କରିବା ପାଇଁ ରାଜ୍ୟ ସରକାରଙ୍କ ପାଖରେ ପର୍ଯ୍ୟପ୍ତ ଔଷଧ ରହିଛି ବୋଲି ସ୍ୱାସ୍ଥ୍ୟ ବିଭାଗ କହିଛି।

Previous ArticleNext Article

Send this to a friend