ଇଲିଶିପ୍ରେମୀଙ୍କ ପାଇଁ ସୁବର୍ଣ୍ଣ ସୁଯୋଗ: ୨୦୦ ଟଙ୍କାକୁ ଖସିଲା ଦର, ପାରାଦୀପ ଓ ଭଦ୍ରକରେ ଲୋକଙ୍କ ଭିଡ଼

Fishes

ପାରାଦୀପ: ଇଲିଶି ମାଛ ପାଇଁ ଲୋକଙ୍କ ଭିଡ଼। ପାରାଦୀପ ଓ ଭଦ୍ରକରେ ଦେଖିବାକୁ ମିଳିଛି ଏପରି ଭିଡ଼। ଆଗରୁ ବଜାରରେ ଇଲିଶିର କେଜି ପ୍ରତି ୭୦୦ରୁ ୨୦୦୦ ଟଙ୍କା  ବିକ୍ରି ହେଉଥିଲା। ହେଲେ ଆଜି ଏହା  ୨୦୦ରୁ ୩୦୦ଟଙ୍କାକୁ ଖସି ଆସିଥିଲା। ତେଣୁ ସକାଳେ ମାର୍କେଟରେ ଅହେତୁକ ଭିଡ଼ ଦେଖିବାକୁ ମିଳିଥିଲା। ଏନେଇ ଟ୍ରାଫିକ ଜାମ୍‌ ମଧ୍ୟ ହୋଇଥିଲା। ପାରାଦୀପ ଅଠରବାଙ୍କି ବାଲିପ୍ଲଟରେ ବହୁ ସଂଖ୍ୟାରେ ଲୋକେ ଇଲିଶି ମାଛ କିଣୁଥିବା ଦେଖିବାକୁ ମିଳିଥିଲା।

ସେହିପରି ଭଦ୍ରକ ଜିଲ୍ଲା ଧାମରାରେ ମଧ୍ୟ ଅଧିକ ପରିମାଣର ଇଲିଶି ଧରାଯାଇଛି। ଏଠାରେ ମଧ୍ୟ ଆଗ ଅପେକ୍ଷା ବହୁତ କମ୍‌ ଦରରେ ଇଲିଶି ବିକ୍ରି ହେଉଛି। ପ୍ରଚୁର ପରିମାଣରେ ଇଲିଶି ମାଛ ଜାଲରେ ଧରା ପଡୁଥିବାରୁ ମତ୍ସ୍ୟଜୀବୀ ମଧ୍ୟ ଖୁସି ଅଛନ୍ତି। ଏମିତିକି ବରଫ ଅଭାବରୁ ମାଛ ପଚିଯାଉଥିବା ମଧ୍ୟ ଜଣାପଡ଼ିଛି।

bbb

ଗତ ଦୁଇ ତିନି ଦିନ ହେଲା ଅଧିକ ପରିମାଣରେ ଇଲିଶି ସମୁଦ୍ରରୁ ଧରାଯିବା ପରେ ଏହାର ଦାମ୍‌ କମି ଯାଇଥିବା ଜଣାପଡ଼ିଛି।

ପାରାଦୀପରେ ମାର୍କେଟକୁ ଇଲିଶି ନେବାକୁ ଆସିଥିବା ଜଣେ ଗ୍ରାହକ କହିଛନ୍ତି,“ବଜାରରେ ଇଲିଶି ମାଛର ମୂଲ୍ୟ ୭୦୦ରୁ ୨୦୦୦ ଟଙ୍କା ପର୍ଯ୍ୟନ୍ତ ବିକ୍ରି ହେଉଥିଲା। ହଠାତ୍ ଆଜି ଆମେ ଇଲିଶିର ମୂଲ୍ୟ ୨୦୦ରୁ ୩୦୦ ଟଙ୍କାରେ ବିକ୍ରି ହେଉଛି ବୋଲି ଖବର ପାଇଥିଲୁ। ସେଥିପାଇଁ ଇଲିଶି ନେବାକୁ ଆସିଥିଲୁ।  ମୁଁ ପ୍ରାୟ ୫କେଜିରୁ ୭ କେଜି ଇଲିଶି କିଣିଛି। ଇଲିଶି ମାଛ ନେବାକୁ  ଜଗତସିଂହପୁର ଓ କେନ୍ଦ୍ରାପଡ଼ାରୁ  ଲୋକେ ଆସିଛନ୍ତି। ଏକା ଥରକେ ଏତେ ସବୁ ଇଲିଶି ମାଛ ଦେଖି ବହୁତ ଖୁସି ଲାଗୁଛି। ଇଲିଶି ନେବା ଲାଗି ଲୋକଙ୍କ ଭିଡ଼ ରହିଛି।  ସେଥିପାଇଁ ରାସ୍ତାଘାଟରେ ଯାଇଆସି ହେଉନାହିଁ।”

 

 

 

Previous ArticleNext Article

Send this to a friend