ବିଦ୍ୟୁତ୍‌ ଖୁଣ୍ଟରେ ପିଟି ହେଲା ସ୍କୁଲ ବସ୍: ଅଳ୍ପକେ ବର୍ତ୍ତିଲେ ଛାତ୍ରଛାତ୍ରୀ

school bus

ଭୁବନେଶ୍ୱର: ବିଦ୍ୟୁତ୍‌ ଖୁଣ୍ଟିରେ ପିଟି ହେଲା ସ୍କୁଲ ବସ୍। ତେବେ ସୌଭାଗ୍ୟ ବଶତଃ କାହାରି କିଛି ହୋଇନି।  ଏହି ଦୁର୍ଘଟଣା ଘଟିଛି ଭୁବନେଶ୍ୱର ବରମୁଣ୍ଡାରେ। ଆଜି ସକାଳେ ଏକ ଘରୋଇ ସ୍କୁଲର ବସ୍‌ ଛାତ୍ରଛାତ୍ରୀଙ୍କୁ ଧରି ଜାଗମରାରୁ ବରମୁଣ୍ଡା ଆସୁଥିଲା। ତେବେ ବାଟରେ ଡ୍ରାଇଭର୍ ନିୟନ୍ତ୍ରଣ ହରାଇବାରୁ ଏହା ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ବିଦ୍ୟୁତ୍‌ ଖୁଣ୍ଟରେ ପିଟି ହୋଇଯାଇଥିଲା। ଆଉ ଖୁଣ୍ଟରେ ଥିବା ତାରରେ ଗୁଡେଇ ହୋଇଯାଇଥିଲା ।

ବସ୍‌ରେ ୮ ଜଣ ଛାତ୍ରଛାତ୍ରୀ ଓ ୨ ଜଣ ଶିକ୍ଷୟତ୍ରୀ ଥିଲେ। ତେବେ କେହି ହତାହତ ହୋଇ ନାହାନ୍ତି।  ସ୍ଥାନୀୟ ଲୋକଙ୍କ କହିବା ଅନୁସାରେ ବସ୍‌ଟି ଦ୍ରୁତ ଗତିରେ ଯାଉଥିଲା।  ଡ୍ରାଇଭର ବେପରୁଆ ଗାଡ଼ି ଚାଳନା ଯୋଗୁଁ ଏହି ଦୁର୍ଘଟଣା ଘଟିଛି।

ପ୍ରତ୍ୟକ୍ଷଦର୍ଶୀ ଦାଶରଥୀ ପ୍ରହରାଜ କହିଛନ୍ତି,“ମୁଁ ଯେତେବେଳେ ଦେଖିଲି ପିଲାମାନେ ବସ୍‌ରୁ ଓହ୍ଲାଉଥିଲେ। ସ୍କୁଲ ବସ୍‌ଟି ଜାଗମରାଠୁ ବରମୁଣ୍ତା ଦେଇ ଯାଉଥିଲା। ବସ୍‌ଟି ଏକ ଇଲେକ୍ଟ୍ରିକ୍‌ ପୋଲକୁ ଜୋରରେ ଧକ୍କା ଦେଇଥିଲା। ବସ୍‌ ଉପରେ ବିଦ୍ୟୁତ୍‌ ତାର ଗୁଡିକ ପଡ଼ି ରହିଛି। ଛାତ୍ରଛାତ୍ରୀମାନେ ଭୟଭୀତ ହୋଇ କାନ୍ଦୁଥିଲେ। ବଡ଼ ସାନ ହୋଇ ୧୦ଜଣ ବସ୍‌ରେ ବସିଥିଲେ। ଆମେ ଏନେଇ ଡ୍ରାଇଭରକୁ ପଚାରିବାରୁ ସେ କହିଥିଲା ଆଖି ପଡ଼ି ଯାଇଥିଲା। ଗତକାଲି ରାତି ଦୁଇଟାରେରେ ଗାଁରୁ ଫେରିଥିବାରୁ ତା ଆଖି ପଡ଼ିଗଲା ବୋଲି  ସେ କହିଥିଲା।”

ସେ କହିଛନ୍ତି,“ ତାରଟା କେବଲିଙ୍ଗ୍ ହୋଇ ନଥିଲେ ବସ୍‌ଟି ଜଳି ଯାଇଥାଆନ୍ତା।”

Previous ArticleNext Article

Send this to a friend