କଲେଜ ଛାତ ଉପରେ ଗଣ ଦୁଷ୍କର୍ମ: ଜୁନିୟର ଛାତ୍ରୀଙ୍କୁ ଟେକିନେଲେ ୩ ସିନିୟର!

ସୁନ୍ଦରଗଡ଼: କଲେଜ ପରି ଶିକ୍ଷାନୁଷ୍ଠାନରେ ଛାତ୍ରୀଙ୍କୁ ଗଣ ଦୁଷ୍କର୍ମ ଅଭିଯୋଗ। ଯୁକ୍ତ ଦୁଇ ପ୍ରଥମ ବର୍ଷ ଛାତ୍ରୀଙ୍କୁ ଦ୍ୱିତୀୟ ବର୍ଷର ୩ ଜଣ ଛାତ୍ର ଛାତ ଉପରକୁ ଟେକି ନେଇ ଜଣେ ପରେ ଜଣେ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ଏନେଇ ଛାତ୍ରୀ ଜଣକ ଥାନାରେ ଅଭିଯୋଗ କରିବା ପରେ ପୋଲିସ ମାମଲା ରୁଜୁ କରି ଜଣେ ଛାତ୍ରକୁ ଗିରଫ କରିଛି। ଏପରି ଅଭାବନୀୟ ଘଟଣା ସୁନ୍ଦରଗଡ଼ ଜିଲ୍ଲା ବଡ଼ଗାଁ ପଞ୍ଚାୟତ କଲେଜରେ ଘଟିଛି।

ସବୁଦିନ ପରି ଆଜି ଛାତ୍ରୀ ଜଣକ କଲେଜ ଆସିଥିଲେ। ମାତ୍ର ଜାଣିନଥିଲେ ରାକ୍ଷସଙ୍କ ହାବୁଡ଼ରେ ପଡ଼ିବେ। କ୍ଲାସ ସରିବା ପରେ କଲେଜର ଦ୍ୱିତୀୟ ମହଲାରେ ଛାତ୍ରୀ ଜଣକ ଛିଡ଼ା ହୋଇଥିଲେ। ଏହି ସମୟରେ ସେହି କଲେଜରେ ଯୁକ୍ତ ଦୁଇ ପଢ଼ୁଥିବା ଦ୍ୱିତୀୟ ବର୍ଷର ୩ ଜଣ ଛାତ୍ର ତାଙ୍କୁ(ଛାତ୍ରୀ) ଛାତ ଉପରକୁ ଟେକିନେଇ ଜଣେ ପରେ ଜଣେ ଦୁଷ୍କର୍ମ କରିବା ଅଭିଯୋଗ ହୋଇଛି। ଛାତ୍ରୀ ଜଣକ ସେମାନଙ୍କ କବଳରୁ ମୁକୁଳିବା ପରିବାର ଲୋକଙ୍କୁ ଘଟଣା ସମ୍ପର୍କରେ ଜଣାଇଥିଲେ। ପୀଡ଼ିତା ଏନେଇ ବଡ଼ଗାଁ ଥାନାରେ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ଜଣକୁ ଗିରଫ କରିଛି।

Previous ArticleNext Article

Send this to a friend